首次登上直通車
甫上直通車不消一會，就發生了一樣令人髮指的事件。和上次曼谷的魚蛋粉事件有異曲同工之妙。話說有位服務員送咖啡比客人的事件，不知是否站不穩，不小心把咖啡倒在一個男人身上，於是那個男人破口大罵︰「你地呢D係咩服務態度? 新年流流特登倒杯咖啡o係我身度? 仲有呀，呢度仲係香港境內，你地講咩國語呀，同埋仲咩擺D未受過訓練的人o係度做野呀? 你地有冇攪錯呀.....」於是有一名男人出來幫口，他又鬧︰「你行開，你唔係車長，唔需要同你講野，你同我叫車長，我要你地比個書面道歉我......」不一會，這個男人無端端又講國語，一個女車長又來，多返高聲重覆以上的說話，成件事擾攘了成個鐘頭，o個個cheap友先至收聲，最乞人憎的是當他對著他的朋友，是一副嬉皮笑臉的態度，我發覺呢個人都唔係真嬲，而係純粹想留難人地，當然，他既唔知朋友定屋企人都冇出聲，所以間接助紂為虐。
真估不到，兩次離開香港，甚至今次只係上一上廣州，都遇到呢d事件，而今次呢個cheap佬的行為，反映左部分有錢d又老一d既香港人，仍然睇唔起其他人(包括大陸人)，其實時常自高自傲，所謂「多行不義必自斃」，所以這種cheap人，終有一天，總會承受沙塵既惡果。
告別cheap人後，我們踏上廣州的旅程了，好耐未試過十度以下的冰冷，所以一出車廂就覺得自己好似唔係好夠衫，我唯有寄望一陣食飽野會暖返d啦!
我們行到出口附近發現一個「華廈大酒店」的counter，於是行去問，就有一架免費穿梭巴載我地去，起初如果唔係我發現個counter既話，可能仲o係度挨肚餓挨凍咁搵車搭。哈哈...好囂張
到步後，我們先放低行李，開始廣州的行程，首先我們乘地鐵，到上下九找東西吃。
抄足香港設計的海珠廣場站
最近上下九的地鐵站 - 長壽路站外面
大約走了十多分鐘，到達首站 - 蓮香樓醫肚
我們分別點了菜乾豬骨粥，及一些點心，我認為牛肉最好食，有好香的陳皮味；比較出名的應該是蓮蓉飽，但我覺得同一般壽包的分別不大，仲有一碟腸粉叫沙面腸，其實只係炸兩，多吃會滯，不算是賣飛佛
之後就是上下九的購物街，去過咁多條大陸的步行街，暫時廣州這裡是最多野賣同最有特色(我計街道的感覺及建築)，而我最鍾意這個廣場，這裡很像唐人街
騎樓的建築，保存了廣州僅餘的貴氣
上下九另一個玄妙之處就是，它好像歲月神偷一樣，其實吃完飯才兩點幾，唔知點解只係由街頭行到街尾，再又街尾行返街中間，返到去已經四點幾，好晏，因為仲想去埋天河區，於是在蓮香樓隔離o個間一間好多人排隊的，食左碗燉奶，燉奶很滑，猶如豆花，不過等的時候，因為多人程度猶如演唱會散場，我竟然可以在等呢碗野既過程訓著左，可想而知我已經好眼訓，食都冇咩心機食.........
跟住我地就再坐地鐵，去下一個地點體育西路站，目的係去位於天河區的購物中心附近的一間大型書局，都係跟書去行，不過時間得返好少，我就志在打書釘，朋友就有不少收獲。
走過充滿燒烤油煙的街道，我們趕往下一個精彩的景點，簡直是廣州之旅的高潮，就是夜遊珠江，我們乘坐地鐵，回到海珠廣場站，我們乘的士才找到坐船的起點「天字碼頭」，開始八十分鐘的珠江夜遊，我見人一世、物一世，冒著廣州只有六、七度的低溫，我決定用七十元人民幣，選了頂層的甲板來坐，結果嚷成了不少啼笑皆非的場面，但係我並無後悔這個選擇(起碼我都冇病到)，始終我相信我不會無端端再來廣州，那就豁出去吧! 而且珠江的夜景都唔錯。
開始上船，我們就坐在頂層的甲板
越來越欣賞自己部相機，因為從來都未試過用相機影夜機咁靚
由於天氣極度寒冷，突然想起了用口罩來保暖，又可防爆拆
這些激光show，應是刻意做比遊客睇的
到了這裡，開始有微雨，更添寒意。根據船上的錄音導遊介紹，這應是「海印大橋」
這就是久仰大名的「白天鵝賓館」，原來是中港合資，怪不得成日在廣告見到
船程到了一半，海上突然颳起寒冷颶風，把桌上的咖啡吹得東歪西倒，現場一片狼藉，不過成個甲板得返三、四個人，看來除了我們兩個，無人會走上來買難受
離開時途經沙面區，這裡明天應該會去
沿途發放小煙花，相信又是為遊客而特登做的效果，我部機真係影得幾唔錯
原來八十分鐘係咁難捱，難捱都只因寒風凜冽，我相信如果暖少少的話，應該唔會咁受難，不過睇返d相，都覺得值得既。
離開時決定坐的士，去沿路的「大同酒家」食晚飯，最出名的雞吃不了，於是求其點d小菜，其實時間已經唔早，九點幾有多，所以食咩都覺得好食。
我們點了油菜、豬手、魚片粥、揚州炒飯、雲吞麵，原來雲吞麵係最好食，d蝦又爽又甜，冇香港d蝦咁污糟同有陣唔知咩既味。
十點幾後，我們還有精彩的環節，就係去按摩取暖，我們又係跟書，去左一間好似叫做咩古法按摩中心，坐的士好似唔係好遠，但落車後又荒蕪一片，不過就有人招呼上去，今次主要慕名，一探「火療」的虛實。
「火療」其實就係技師會搽d油o係背脊，然後鋪上毛巾，淋上酒精再點火，點火會成個背脊燒著咁，但當然，唔係真係被火燒啦! 不過聽聞係會將身上的毒用火迫出呢，從而達到治療效果，可惜，我睇唔到自己被火燒個樣，因為全程我係會被塊布笠住個頭，一路做既時候，個身其實只係有d慶，慶到受不了的程度時就叫停，就完成了整個過程，我大約用了二十至三十分鐘做「火療」。
之後約一小時，技師以泰式按摩方法按摩，這回試了正宗的泰式按摩，又幾舒服喎!
最後，我們十二點幾離開中心，拖著極為疲累的身軀返酒店，130元人民幣埋單。
這天，雖然寒冷及疲累，但感覺相當充實!
沒有留言:
張貼留言