今天不能再好像昨天那樣腐敗了，因為要退房，同埋即晚又要趕路，希望趕及明早前抵達錫安山國家公園(Zion National Park)，所以大約九點幾十點就起身，然後先行退房。咁今日流流長，做咩好呢? 其實，如果唔賭錢，留唔到三五七日咁耐，酒店行一日就夠，所以今天會食埋最後一餐豐富大餐，下晝就搵D平平地既show睇，睇埋就繼續坐車，趕路去錫安山。
咁究竟去邊度食野好呢? 今次朋友就改為問酒店的一些staff(不過唔知佢幾時問)，他表示另一個推介是Rio，Rio遠離Las Vegas Strip，不過不用雙腳行就得啦! 今天我們依舊採取一食兩餐的策略，把肚子填滿，費時今晚又要搵地方食野。
Rio有分兩類的自助餐，一邊係general既，一邊係專食海鮮既，我地都係揀比較平的general幫襯，盛惠US21.5，一間平過一間。
Rio有一個特色，就係比較多中國菜選擇，燒味呀、油菜呀都多幾樣野揀，如果鍾意多d中國食物，Rio都會幾好，不過海鮮欠奉，只有蝦仁。
咁究竟去邊度食野好呢? 今次朋友就改為問酒店的一些staff(不過唔知佢幾時問)，他表示另一個推介是Rio，Rio遠離Las Vegas Strip，不過不用雙腳行就得啦! 今天我們依舊採取一食兩餐的策略，把肚子填滿，費時今晚又要搵地方食野。
Rio有分兩類的自助餐，一邊係general既，一邊係專食海鮮既，我地都係揀比較平的general幫襯，盛惠US21.5，一間平過一間。
Rio有一個特色，就係比較多中國菜選擇，燒味呀、油菜呀都多幾樣野揀，如果鍾意多d中國食物，Rio都會幾好，不過海鮮欠奉，只有蝦仁。
食飽之後，我地就睇下到底海鮮自助餐那邊有咩好食，這裡就是海鮮自助餐部分
不外乎又是沙律、煙三文魚等東西
有凍蜆、凍蝦、龍蝦仔
這個是否叫鱆紅魚? 無論如何，這是這裡唯一的刺身
這個是否叫鱆紅魚? 無論如何，這是這裡唯一的刺身
而之前橫掃的長腳蟹、壽司，也是在這裡才見蹤影；這間餐廳亦相當專一，除了海鮮之外，就冇咩其他野食，所以是否值得幫襯，就見仁見智喇!
所以我發覺，原來計自助餐的豐富程度，還是澳門、深圳那些才較合我心水，LV的自助餐，主要以大堆頭的肉、Pizza為主，我喜愛的魚生基本上係欠奉。但係返到呢睇返一D去完LV的blog，又發覺都未必搵唔到魚生食，不過就唔係那些主流大酒店內，可能要出到downtown、outlet那邊先有，這些地方遠離Las Vegas Strip，所以今次就冇時間去喇。
下一站，朋友知道Flamingo那邊有些平show，下午那場是一場魔術show，晚上就睇白老虎表演，都同是在Flamingo進行。食完野我地就駕車過去，今次泊車泊得特別耐。魔術師叫Nathan Burton ，佢既魔術好似「魔法擂台」的表演咁，呢個comment係中性的，其實我知道魔術都是一些掩眼法，志在大家開心就可以。
完左之後一齊同Nathan Burton合照
睇完魔術之後，距離晚上的白老虎show仲有一段時間，我覺得一場來到LV，真係冇理由唔試下呢度的一大重點 - 老虎機，其實最主要係咁多日在美國消費，已經儲下不少coins，要知道在美國coins的價值就有如香港的一仙、五仙等價值，又重又廢，而且有些老虎機話用一個one cents既coins已經玩到，所以我志在當作「投資」用途。所以我就央求朋友被我玩一舖.......
就係呢部老虎機，讓我初嘗羸錢的滋味；不過原來最低消費都要入一蚊美金落去先可以玩，那麼我把銀包裡的散錢東拼西湊，終於加到一蚊出來，我只需把一蚊入落部機度，而我根本就未攪清楚，究竟點先至羸，點知不用五秒的時間，就發現︰
我贏錢了!
第一次玩，就贏了大約8蚊美金，即係有8倍回報，朋友是一個忠厚老實的人，我贏了，他反而很擔心，叫我拿拿臨去拎錢就算，唔好再繼續落去；其實我以前都上過一些賭博的課程，我早知道，賭場總會有一些方法，令你開始能夠贏到錢，當你贏到之後，人的貪念自然會令到你繼續想贏多D，結果到唔知幾時，一次就將你的所有輸光輸盡，這個道理，我當然明白，但係明白歸明白，那種櫈都未坐暖就贏錢的感覺，又的確會令人飄飄然，事實上亦真的有想再試多舖的感覺。不過我的理性同朋友都把我拉走，所以我沒有泥足深陷，亦覺得原來賭博呢家野都真係幾恐怖，我慶幸有天使同正確的價值觀拉走我，那麼其他人呢? 怪不得造成很多病態賭徒出現。委實LV這個地方確實危機四伏，所以真係夠鐘走喇，不宜久留!
之後，我地都唔知去邊好，於是朋友就駕車在LV downtown一帶，遊下車河，其實搵返間車，又泊下車，遊一個鐘頭車河，都已經開下一場show，所以都不特別感到時間難過。
回望金雕玉砌的LV，也是不少人破產的地方
晚上又再回到Flamingo睇埋呢套白虎show，不過個theatre好隱蔽
據朋友說，本來這個show是很出名，而Dirk Arthur亦應有另一partner一同出show，但在數年前，其partner在一次表演中，發生意外，不過我唔肯定係咪有呢單野，因為返呢香港，睇返應該另一pair的魔術師在Mirage表演出意外，受害人亦沒有死，只有重傷，但無論如何，這些表演者，其實都係刀口邊搵飯食，值得尊敬。
不過兩個show的收費都幾唔同，晏晝O個個可能難度冇咁高，都係US10一位，晚上的要US37.5一位
不過我就覺得呢個show有些少搵笨，那些白老虎其實只是「花瓶」，而且個場亦有點「up dup」，用來消磨時間就冇咩所謂，但係人亦開始累，有些想快點離開LV，而且而家係要漏夜去另一個州「猶他州」，我就真係好想快D走，如果唔係，又係得幾個鐘頭訓都咪話唔大鑊，去旅行，我真係唔想去到好似走難咁.......
我們約於七點多離開，這時LV竟落起微雨來，迎送我們離開。在真正離開之前，朋友先到威尼斯買blue man show的碟，然後有些很特別的地方，我是很想影的，不過都是在LV外圍，請朋友兜一兜過去
這是其中一個我很想影的地方，估唔估到呢間舖頭係做咩呢? (反白見答案) 美式大押，當舖是也
周街都有用來結婚的chapel
這些都是在LV常見，但很少在其他地方見到，所以好想留個影；而之後，我地三人又再踏上征途，前往位於猶他州的錫安山國家公園，朋友亦已一早訂好旅館。結果大約九點出發，凌晨一點左右才到達，今日大家都辛苦了，間房亦都幾舒服，但不能睡得太長，因為如果唔係，又會返唔切LA。
臨訓前影下我地住既房間先
