到達後泊完車，時間才八點幾，星期二的早上，估唔到咁水靜河飛，但這是好的兆頭，我們深信︰今天應全部玩晒所有既景點!! 這裡是影城外圍
仍未開門的手信街，前面不遠就到入口了!!
幾乎所有遊客，都要O係度影張相先安樂
為什麼我拿起一個空汽水罐? 事關朋友上網見到，原來帶一個空的可樂罐入場，入場費由US77變US62，咁高調同可口可樂宣傳，唔怪得街頭的美國人，有一半都是horribly king size......
買完飛之後，裡面的設施到10:00先正式開門，一開閘便一齊衝入去
第一站玩Simpsons，至於玩D咩，就保持神秘，不過玩開主題公園既人，都應該知道d遊戲都係不外乎幾道板斧
玩完呢個，我們便到下園區，KO埋兩個separate的點︰侏羅紀同盜墓迷城
侏羅紀的高潮就在這裡，我建議玩這個，有遮帶遮，有雨褸就笠褸
至於Mummy盜墓迷城，入場前要放袋就知唔係好野，玩完出來感到極度痛苦，不過對於玩慣機動遊戲的人來說，這個應是小兒科，但我卻不喜歡被chok同失控的感覺，好彩之後d game都再唔駛咁chok...
一個上晝經已玩左3個game，係時候回一回氣睇下show，呢個show係睇special effect，睇下平時電影見到d特技係點樣整出來的
這個是拍一家人扮遊船河，然後見到恐龍，但係原來實景只係咁鬼簡陋
另一個表演就是扮切手，切出血來，雖然睇唔清楚d血係點出呢，但.....其實知道都只不過假野
仲有扮太空人吊威也
睇完之後，我真係覺得原來拍電影真係好巧演技，見住D咁假既佈景，然後要扮到好驚，真係少D想像力都唔得.....不過我幾鍾意呢個show
趁住有空檔，同下史力加影下相先
這時大約一時半後，然後我們就參觀影棚(Studio Tour)，我們就是坐這輛tour bus參觀不同的佈景場地
影完一會便有爆炸場面，不過影唔切
古老街景
Tour Bus駛到佈景地鐵底，忽然水浸
據說這裡應該會出現大白鯊，但係.....係咪我時運高睇唔到呢?
模擬撞機現場
除了以上，其實仲有3D King Kong同一些爆炸、摸擬暴雨等佈景，用左大約個半鐘，都睇左唔少野，呢個tour係另一個我既推介。
到了下畫，我們玩埋剩返既地方，包括這個Terminator，這個是其中一個真人show，我地到過這裡兩三次，都碰巧開了show，終於在大約三點幾時間睇到
睇完這個Terminator，發覺今天的官能刺激太過intensive，又槍聲、又被chok、又不停睇3D野，睇到頭暈眼花，真係返工都冇咁辛苦，慶幸找到喪屍先生沖喜一下.....不過驚的就唔好行入去條喪屍街喇，唔係嚇到你標尿....要記住，這個是真人扮的，隨時會....
要記住︰當你越驚，佢就越要嚇你；當你越冇野，就越唔會有野發生；這是玩之後的鬼屋(House of Horrors)的「金科玉律」，但這條律，難學難精，冇返咁上下演戲底子，都會被嚇至痛哭，如果講到咁，你仍願意挑戰這裡的鬼屋的話，一切的責任，可要自己承擔吧!
玩完鬼屋，終於明白點解D人話好驚，驚魂稍定，玩埋史力加(都係睇3D電影)，其實已經算係一個休息。
之後去返鬼屋附近，就見到The Blue Brothers的演出，不過沒有留連觀看，因為時間差不多，精神也差不多用盡，所以趕住去埋最後一個點....
最後一個點，就係睇埋呢個Water World真人show，想濕身的朋友，記得坐前排，職員會同觀眾玩一陣水，然之後先開始表演
睇完呢個show，基本上全園主要的景點及遊戲都已參觀過，我們沒正式到Curious Geogre同 Animal Actors部分參觀，因為我相信這類型的表演有很多地方都可以看到，而且全日係咁刺激自己的五官神經，已經唔係好頂得順。時間大約五點幾，我們離開了，並在園外買了些小手信給姪仔。雖然辛苦，但我都覺得這裡幾值得玩，因為好多得意野睇，個人推介特技show同Studio Tour，至於機動遊戲，我覺得已是我的極限，始終我不覺有必要貼錢買難受，為自己製造痛苦感覺。所以即使朋友不斷推介我去更刺激的六旗山樂園(Magic Mountain)，我知道，這並非我杯茶。
我們的車就泊在這裡 - 侏羅紀停車場
今晚，朋友又帶我食平野，這裡應又是Montreal，發覺有座東正教教堂
這裡原來有港式x餸飯，最特別是熱湯任裝，今天胃口特佳，因為為了省時，我沒正式吃過lunch，肚餓吃什麼都好食，而呢餐亦只用左大約五美金!
在美國，我就知道對吃不能有太大要求，只要吃得飽，就已經好開心，懷著興奮的心情回hostel，好好睡覺，預備明天荷里活之旅。
行程好豐富呢！
回覆刪除