美國洛杉磯(七)︰暫別LA

其實洛杉磯最精彩的地方，經已玩完，而今晚亦都會啟程往西雅圖探另一friend，可是日頭流流長，都唔知去邊度好，所以唯一行下唐人街、行下博物館，然後早點返機場吧!

途經洛杉磯的downtown

洛杉磯唐人街，這裡從前是意大利人社區

唐人街地區一般都比較窮，所以我們又可以用大約5美金食到咁多野

食完飯之後，我們又重臨小東京走走；美國係一個好得意既地方，一個城市按階層、種族分左一忽忽，日本/韓國人一個圈子、中國人又另一個圈子、黑人/拉丁人又一忽，所以基本上一來到這裡，見到的盡是和日本有關的事物。

之後我們根據旅遊書，找到了這間博物館參觀，這間是日裔美國人博物館


這裡記載了日本人到美國的歷史、起源，二戰時日本人的角色等


這個博物館入場費九元，朋友睇到睡著，而我亦覺得唔係太多野睇，用九元入場都有些貴；另外我亦都唔明點解明明係一本中文書，點解淨係有日裔美國人的資料，莫非華人反而冇? 後來我記起，原來我拿起是「走遍全球 - 美國西岸」，是一本日文翻譯的書，當然就唔會有華人的資料吧! 不過今天應該冇咩時間，同埋據朋友說，感到其可觀性一般，看看唐人街便算了! 但係呢度不失為一個HEA的地方，因為有得坐，有冷氣。

時間已到大約4:00，朋友車我去機場，今天才能認真看看洛杉磯機場

美國的機場是逐間航空公司分開入閘，所以冇話可以坐o係機場HEA呢回事，要HEA就一定要入左閘先，今晚我乘坐美國維珍航空19:30機，是之前在網站Expedia購買，我買了最平US200來回，不過買的時候係唔知時間，買左之後先會揭曉時間比我知。

美國維珍的自助入閘程序


由於太新鮮，真係唔係好識用個自助系統，幸好一到步便有職員教我用，不過可能平機票，所以行李寄艙要另收US25，兼且冇飛機餐。

不過只係兩個鐘，唔難過，到步後通知朋友接我，今次我有免費住宿，那管只是睡在地上，只要可以慳錢，都冇咩所謂；由於時間都幾夜，所以離開機場便直接返去訓。明天先跟朋友去溫哥華走一趟，實在太開心，同一個旅程可以去到咁多地方。