美國洛杉磯(二)︰火雞萬歲

我訓到中午時份，朋友便過來我的hostel開車送我，開始今天的旅程之前，影下我間hostel先



我間hostel就在較新的華人區Montreal的一間叫Floral Inn的地方，我在LA的日子就主要住在這裡


約中午時份，朋友便帶我到洛杉磯首站 - Los Angeles Country Fair，這個Fair每年舉辦一次，維基都有介紹，其實呢個Fair係一個炒雜錦，又有展覽、又有些少機動遊戲、展銷會等等；根住朋友駕車大約一小時到達，一下車，便感到洛杉磯九月沙漠般的天氣 - 又熱又乾，這裡的門票盛惠US17。

Country Fair門口    


愛吃的我，其實玩什麼看什麼都無所謂，於是朋友第一件事，就是推介我吃這個巨型燒火雞肶，全日幾乎無野到肚的我，看見已經......


蘸滿juicy的BBQ汁，火雞，我愛你.......

說實話，其實我相信好多人都唔鍾意火雞，肉質乾且有種煙味，但不知為何我卻鍾情於它，我想我是最愛它不油膩，就算食到飽都唔會好「漏」

好了，醫完肚，開始在這裡漫步參觀，首先參觀不同地型的植物




跟住見到有人上馬玩chok


我幾鍾意呢個地圖，將美國不同地區的特色都顯示出來，一目了然  


恐龍館都有


估計應是六、七十年代的電影封面的鐵盒，不過唔知鐵盒有什麼用   


之後還兩腳FING FING坐吊車到遊藝會的另一面  


如果有錢，我都想好似佢地咁漂下牙，好似好舒服咁.....


小火車模型   


仲展出餐桌擺設比賽的得獎作品，原來藝術都可以咁多種


其實好難將所有睇過既野都show晒出呢，因為到後期，精神狀態越來越差，有幾個位要坐低釣下魚，總之在這裡行，消磨一個下晝唔成問題，不過我就覺得有些少悶。我地行到五點幾，就坐車走，晚上我們就到Santa Monica行下。

搵好位泊車之後，就落呢步行街hea


真係好out，唔入過Apple Shop上網，都唔知Apple Shop已經大行其道，好爽，唔駛錢就可以上網


出到呢，就見到一group人狂歌熱舞   


海旁的一間豪宅/酒店??


其實到Santa Monica的目的，不外乎是想吹吹海風，感受一下太平洋的浩瀚偉大，沙灘對出就是太平洋了


離遠望向海旁的摩天輪    


步下海灘，又是一個售賣紀念品及小型遊樂場    


大約行到九點幾，開始筋皮力竭，我們求其搵了一間麥記醫肚，不過我真係唔肚餓，隻火雞肶真係唔講得笑，於是求其飲杯任飲任添的可樂就算，同時，我需要orient下那一堆交稅用的美金銀幣，對於一向數學差的人來說，要用這些銀幣就像重新在幼稚園學ABC一樣慢慢認。

最後又要勞煩朋友送我回家休息，明天繼續!!