我們先到了海邊的文華東方酒店參觀，這裡是「色戒」的拍攝地，朋友對這裡情有獨鐘，不斷瘋狂影相，在這裡留了不短的時間，然後又發現張弼氏故居藍屋就在附近，不過已經無時間入去，而且要有導賞先可以去。之後就趁有限時間，搵多幾幅壁畫及鐵線畫。天氣真的很熱，所以我們也不敢行得太遠，返呢香港先發現有些很hit的壁畫都冇搵到，例如姊弟鞦韆、男孩坐單車都無搵到，其中發現有一個女孩大頭的壁畫已經冇左。
 |
| 檳城的文華東方 |
 |
| 連廁所都咁典雅 |
 |
| 酒店長廊 |
 |
| 張弼士藍屋仔 |
 |
| 住到最後一日，先認真留意我們的酒店 |
 |
| 原來呢幅畫就在酒店隔離，我好愛呢幅 |
時間差不多了，我們也要吃飯，本來我們睇中了一間文昌茶室想食雞，可惜未到開放時間，而我們亦等不到它開門，但卻看到隔離的伍記餅店，決定入去最後衝刺買手信，然後就在附近隨意pick up一間茶室，叫做大東酒樓，一入到去即有驚喜，因為竟然見到好耐無見的推車仔點心，就好似見返一個好耐無見的朋友咁，差點想哭出來，於是我們瘋狂叫點心，仲趁機買左兩個外賣咖央包在飛機食，仲竟然試到「食為奴」捧紅的「咸魚包」，原來....其實同叉燒包無咩分別......
但朋友咁都仲唔夠，因為幫襯唔到文昌，竟然幫襯左隔離一間A貨食雞，而我因為掛住在大東食點心，過到去朋友已經食完，但我覺得好似仲未飽咁，決定叫多碟雞飯食，仲用左十分鐘左右食完，誰知我太貪心，種下肚痛的禍根。
 |
| 伍記餅家買手信 |
 |
| 好正的大東 |
 |
| 久違了的點心車 |
 |
| 最下底果個就係咸魚包 |
 |
| 最後衝次 |
食完飽飽，我們返到酒店，原來酒店門外已有很多的士返機場，我們坐的是亞航，回程要返吉隆坡再轉機，因為亞航機無加錢叫飛機餐，所以在吉隆坡機場，再食返之前買的咖央包，可能之前食咁多野都未消化，根本已經唔需要再食野，所以坐到中途，覺得好滯，雖然唔係想嘔，但就係唔想坐，一坐就頂住，所以經常企，由於我在廁所企左好耐，但又唔係去廁所，被一名空姐留意，我把情況告知，她就叫我坐埋位，話沖包以羅果子鹽比我消滯，嘩...以羅呢個品牌，真係細細個就聽過佢個名，但就完全無試過，空姐叫我一定要趁佢變成泡的時候飲，如果唔係就無用，於是我就趁有泡泡吞落肚，飲完之後，果然唔駛十分鐘，就已經完全放鬆，藥到病除，亞航空姐的大恩大德，實在無以為報，就此用blog紀念，亦為這次馬來西亞的旅程，劃上完美的句號。
去過泰國，覺得馬來西亞原來好似香港，因為華人多，我從無諗過廣東話係咁通行，食物一流，雖唔算太有特色(因為同中國野太似)，但就比香港的少味精、新鮮同平，而椰漿飯、沙甸魚叻沙、魔鬼魚、福建面就較少可以在香港食到，這些都是令人深刻的美食。人方面，亦當然好抵讚，好記得第一日到步幫我地搵旅館的年青人，仲有一個十年無見的馬來西亞朋友主動搵返我在吉隆坡見面，感覺好正，我特別好愛檳城，可能厭倦了四圍都是高樓大廈的香港，這個時光倒流的香港，令人感覺好平和，雖然好熱.....
馬來西亞，相信我會再來的，等我!
旅遊心得︰
1. 原來文昌就在昨晚大排檔Kimberely Street附近，我極喜愛的大東亦都在附近，但係地址就唔清楚。
重要支出︰
大東點心 RM28.5(兩人)
雞飯 RM5.2(一人)
的士返機場 RM45
