茶室的規模也算大，似乎有很多選擇，我們隨意點了些東西，我覺得都相當美味。
 |
| 檳城街頭，在Burma Jalan |
 |
| 我們就隨意在這間咖啡室吃早餐 |
 |
| 右邊是期待已久的咖央包，左邊係福建麵，味道一流 |
 |
| 美味的菜餃 |
 |
| 整杯清甜的龍眼水 |
食完野，就開始展開尋找壁畫之旅，我上網下載了一幅指示壁畫的地圖，便按圖索驥去尋找。在酷熱的天氣下，我們身體的水分瞬迅被蒸乾，但係檳城的天氣比吉隆坡更難測，感覺不像會落雨，比較難捱。
 |
| 正式在檳城走透透 |
 |
| 這些鐵線畫，介紹了很多檳城街道的特色，我恨我無時間逐個欣賞 |
 |
| 科林清真寺 |
 |
| 首個人氣壁畫 |
 |
| 這個不用多說吧! 但可否加立告示，叫人不要直接接觸壁畫，會好易受破壞的! |
 |
| 更多美麗壁畫 |
 |
| 龍山堂的入場費實在太貴，還是省點時間探訪壁畫更好，影下招牌就算 |
 |
| 聞說是有埃及風格的「阿齊街清真寺」，我們沒有內進，好似closed左，就在龍山堂附近 |
 |
| 這是在一間餅店門外的壁畫，但唔記得間餅店叫咩名.... |
 |
| 食個早Tea先，我負責吃斑蘭葉的蛋撻，味道OK但唔夠熱 |
 |
| 我們行到姓氏橋，打算再搵壁畫 |
 |
| 我覺得好似香港的鯉魚門 |
 |
| 這個就是姓氏橋壁畫的位置，聽說因為太多人來看壁畫，破壞了這裡的寧靜，最終慘被「鏟」掉，相當可惜 |
 |
| 然後我們又行到檳城地標 - 巨型檳榔 |
 |
| Fort Cornwell |
 |
| 古時就是對著海用作攻擊的大炮 |
下午的行程是會坐巴士到阿依淡，幫襯聞名已久的沙甸魚叻沙，所以吃完早餐之後，再無吃午餐，拖著疲乏的身軀，我們到了海邊的巴士總站，原來好多檳城的巴士都係由這裡開出，我們坐著204總站到檳城山的巴士，由於實在太辛苦，我們都在車裡安心睡著，因為打算在總站下車，車程都幾長，要一個鐘左右，巴士到了一個市集轉彎，我看見了極樂寺(因為實在好特別，一睇就認得)，然後我直覺要下車，所以沒有到總站我們便下車，誰知原來期待已久大排長龍的叻沙就在附近，但好彩，可能已經過左繁忙時間(到步時已是三點幾)，搭檯都有得坐。熱騰騰的叻沙就在眼前出現。
本來想食埋福建麵，但福建麵就似乎關了門，唯有在附近找些東西飲，友人就在這裡買榴槤，我就真係唔識欣賞.....︰|
之後我們在想，應該上極樂寺還是到檳城升旗山，時間所限，最終我們都決定了到升旗山，但除了知道沿著巴士路行，都唔太肯定應該點行，問途人搵路，知道原來仲要行多廿分鐘左右，不過在這裡問人好方便，因為用廣東話已經可以解決，於是我們又再大量出汗，終於到達升旗山。
我個人對升旗山無咩期望，唯一期望就係坐登山纜車，以十多分鐘極速由地下急上九百多米的山上，過程唔算好刺激但感驚歎，上到山氣溫驟降，相當舒適，應該只有廿二、三度，而山上有工程，基本上沒有一個完整的瞭望台，而且大霧，所以無咩睇景的期望是正確的，志在抖涼，要上山睇景就要幫襯coffee shop，我們當然都幫襯下(不過只有友人叫咖啡，我齋坐)。飲完之後，就在附近行，因為時間唔早，其實都無話周山跑，最後只係參觀左個印度廟同教堂，然後六點幾就落返地，所以我地其實都幾蹝，不過真係志在消暑，我又覺得冇咩所謂。
 |
| 遠望極樂寺 |
 |
| 呢碗充滿沙甸魚味的叻沙，無得輸，必定是我這趟行程的至愛之一 |
 |
| 大家唔好去錯 |
 |
| 阿依淡社區 |
 |
| 升旗山樓下 |
 |
| 只用十多分鐘，便由地面穿梭如大帽山高度的山上 |
 |
| 大霧的檳城，期望不高 |
 |
| 除了吹涼，山上比較可觀是這個印度廟 |
落左山之後，我們等返巴士204返Geogretown，巴士好疏預左，要等25分鐘，點知等等下又落雨，不過我們在有蓋地方等車，所以捱過今日，我就製造了一個到馬來西亞唔擔遮卻又唔濕的創舉，結果雨落左一陣就停，如果今晚唔再落的話，我就成功!!(我知落雨的機會應該好低)
我們去返Komtar附近下車，因為我同友人都想買手信，我們先到伍記餅家買些餅食，然後再去Komtar的超級市場，我就要買咖央醬，但係外國通常係超級廣場，所以要搵到一罐醬都唔容易，我問左一個阿姐，可惜她敷衍我，其實我都自身難保，在這時竟有另一對國語人，問我整海南雞飯的配料在那裡買，然後叫我用廣東話買阿姐，咁我幫佢問，但係阿姐咁敷衍都唔會有答案，所以幫唔到佢。哈，但之後我竟然找到我想要的東西，可惜原來得幾隻牌子，選擇好少，而且仲係罐裝，所以求其揀左罐平既就算。
買完手信，我們就決定掃街，不過今次唔駛去咁遠，原來就近的Kimberely Street成條街都係夜市，我最期待的就係食天王雞腳，唔知咩味呢??
今晚的掃街絕對係一個驚喜，特別係雞腳，完全無失望，仲有好多清香的糖水，價錢仲.......哈哈哈哈哈，真的無悔了。
明天終於要離開檳城，真的捨不得這裡的美食.......
旅遊心得︰
1. 在海旁近炮台原來有巴士總站，我們就在這裡乘204巴士，車程一小時左右，如果想食沙甸魚叻沙，千祈唔好坐到總站，建議見到極樂寺附近就先落車
2. 晚上的Kimberely Street比較精彩，美食多，不多解釋了! 我心水推介!
3. 如果想在檳城市找超級市場，相信只有在光大廣場才有一間，晚上十時關門，已是全市最夜，不要期望會有很多便利店在檳城
 |
| 又見到一幅鋼線畫 |
 |
| Kimberely Street食街 |
 |
| 入口即溶的天皇雞腳，味道口感均令人難以忘懷 |
 |
| 湯粿條 |
 |
| 卤水雞脾 |
 |
| 另一亮點︰清補涼糖水，並非我們香港食開那種，非常清甜 |
 |
| 認住呢間四果湯，推介!! |
沒有留言:
張貼留言