由於坐巴士要最少5小時到檳城，那麼當然要省點時間早些出發，我們到Pudujaya 巴士站，乘坐八時班次到檳城。等左好耐，車上連埋我地都係4個乘客，等左半個鐘先可以出發。
本來坐車都好順利，我們到達第一個補給站休息後，巴士等左好耐都唔開，原來司機叫我們等另一架巴士坐，其中一位乘客聞言大怒，然後連隨打很多電話，我相信是在投訴，我們也感到很無奈，時間一點一滴地被浪費，心想莫非這就是坐平車的代價?? 足足等左一個鐘，先有另一架多人少少的巴士載我們，這時最緊要就係有車上，什麼都不想了!
到達喬治城已是三時多，換言之，已經坐左7個鐘頭巴士，真係幫襯左黑店.....我們捨棄了坐巴士入城，我們用了RM25坐的士，好彩有人share，否則我自己搭巴士就算。
打算住得好一點，選了4星級Citidel Hotel入住，其實間房唔係咁大，甚至比吉隆坡間hostel仲細，但勝在有無敵海景，價錢也不算太貴。友人原來早在吉隆坡預訂了SPA，對方五點便會來酒店接送我們，故我們趁這段時間，開始我們的掃街之旅。
原來只是行前一點，便到了我們想吃的地方，一站式，一條龍，食完時間仲綽綽有餘。因為愉園茶室已經有齊我地今天想吃的東西，包括︰煎蕊、炒粿條、福建麵同咖哩(雞)麵。
 |
| 遠看檳城 |
 |
| 從酒店看到的海景 |
 |
 |
| 很喜歡這些矮樓，真係好五、六十年代feel |
 |
| 終於見到聞名已久的煎蕊(珍多冰) |
 |
| 可以坐在這間愉園慢慢品嚐 |
 |
| 希望下次有機會食鴨蛋炒的粿條 |
 |
| 解渴的甜品-煎蕊 |
 |
| 我愛它的辣!! |
 |
| 叻沙也不錯 |
 |
| 雖然已經有點飽，但這個咖哩雞麵仍是很讚! |
 |
| 就在愉園的同一條街上 |
祭完五臟，時間也都差不多，慢步回酒店等待spa的人來接送，司機果然準時於五時便到達，上車後並為我們介紹便宜的夜市，可惜我始終覺得要吃一次新關仔角夜市，所以不太理會他的介紹。而那間spa就是過了新關仔角多一點點的海旁位置，叫做Ardour Spa，一入到去見到本日文書，知道呢到應該主要服務日本客。
SPA是不同按摩(之前我以為差唔多野)，SPA係仲會幫你處理皮膚問題，我選了最基本兩小時的，友人則選了三小時，佢話呢到已經好平，仲係蘇施黃推介(佢好信的)，過程中，開始時做了短時間按摩，之後便把我包裹，塗了一些油後便把我鹽焗，原來係去死皮，最後就沖返涼、浸下玫瑰池，然後飲杯薑茶，兩個鐘就用左RM220。無疑皮膚明顯白滑，不過我還是喜歡實實際際被人按下按下的感覺。
之後我們跟司機說，還是想去新關仔角，他就帶我們去了，其實也不需十分鐘車程；我們在這裡盡情掃街，本來之前從不同的途徑，找了比較有名的檔口號碼，但係到步後有部分無開，攪不清邊間打邊間，於是見咩想食就叫了! 而我們吃了半小時後，肚開始飽，同時突然有大風吹來，直覺知道大雨又即將會來臨，我們於是立即飛的回酒店，果然，回到酒店放返野，之後落lobby上網，就發現傾盆大雨已下，哈哈，原來真係唔駛帶遮的，如果聽日都過到關，我就win了!
明天預告︰檳城市區
 |
| Ardour Spa |
 |
| 私人spa room |
 |
| 來到新關仔角 |
 |
| 雲吞麵、蕹菜魷魚、encore燒魔鬼魚 |
 |
| 左邊係momo同馳名腸粉 |
 |
| 還有RM1一串的淥淥串，我就冇試了 |
旅遊心得︰
1. 檳城巴士站其實有架401巴士回市區，不需坐的士，但因趕時間才坐的士，坐巴士才RM2，好抵，有時間應該搭
2. 原來愉園茶室可以在裡面一站式，試到煎蕊、炒粿條、福建麵，唔駛企o係度食煎蕊；那裡出名還有用鴨蛋炒的粿條，據聞更香更正，所以一早便賣完，下次有機會再來的話一定要試!
3. 新關仔角的確有點貴，也不算特別出色(個人認為)，其實試下其他夜市都唔錯。
4. 檳城的天氣同吉隆坡好唔同，全日都好熱，好晏先會落雨，無吉隆坡咁容易計到幾時落雨
5. 咖喱麵不是天天開門，老闆娘話只開星期四至日
重要支出︰
由檳城巴士站到喬治城的士 RM25
煎蕊 RM2.8(一碗)
炒粿條 RM5(一碟)
叻沙 RM4.5(一碗)
咖喱麵 RM6(一碗)
SPA RM220(兩小時)
新關仔角掃街 RM40(兩人)
新關仔角坐的士 RM17
沒有留言:
張貼留言