不過我地一場入到呢Circus，都無認認真真參觀酒店，所以我地決定行一陣先食飯。
Circus Circus似乎有不少房間，除左主樓外，還有幾幢這些矮房，我們就是住在這些矮房裡
在LV結婚的確很容易，梗有一間結婚教堂在你左近
Circus是馬戲班的意思，標誌著不少人的童年回憶，於是兒童室內機動遊戲同遊樂場成了這間酒店的一大標記
我地行到大約下午兩點，經朋友收集意見後，原來威尼斯對面的Mirage的自助餐質數也不錯，所以下午的節目，就是先到Mirage醫肚了!
以椰林樹影做主題的Mirage賭場酒店
Mirage的自助餐，原來只需US20，看來昨晚在MGM吃貴了，而且食物質素，和昨天分別不大，看來MGM的自助餐有些搵笨了! 未知是否下午時間，幫襯的人寥寥可數，但我卻是好鍾意這個無咩人任我食的感覺
繼續有我喜歡的長腳蟹
爽甜的蝦仁也不錯
今日終於唔駛食到趕頭趕命，美食當前，食下食下，原來已經係四點幾，在香港，四點幾係差唔多放工的時間，但是在這裡，才是我們正式活動的時間。食完之後，暫時覺得今天呢一餐好過昨日的任何一餐。
咁究竟之後做咩好呢? 我們決定創造一個創舉，就是測試一下腳骨力，由Las Vegas Strip中間行到南端到底是用多少時間。其實每間酒店都有佢獨特的主題，所以都值得行下睇下。
由於酒店實在太大，距離太遠，有些酒店與酒店，會有無人駕駛的輕鐵載客去下一間酒店
第一站就係去呢間「凱撒」行下
顧名思義，裡面的主題是和古羅馬有關
時間真係好晏，我地攪到六點幾先出返呢，途經Bellgio門外的音樂噴泉，通常在6:00, 7:00等定點時間會有噴泉表演，不少遊客都會駐足觀看
最高潮
睇完之後，夜晚流流長，而且行到隻腳都跛跛地，所以我提議入去可口可樂專門店歇下
許多可樂的紀念精裝，不過我地都係睇，冇咩錢又冇咩力抬咁多野返香港
除左呢張之外，我都同左朋友們一齊同北極熊影左張特效相，不過咁神秘既野，當然收埋佢la，影一張都要US21.62
另一樣好精彩既野，就係可以在這裡的二樓，一次過品嚐全世界其中16種汽水的味道，其實昨天經過這裡，已經好想試，今日有時間，梗係捉埋D朋友一齊試，可以看到很多都來自非洲、拉丁美洲等國家的汽水味道，不過最後turnout有幾種味道係改左既
七彩汽水到了! 仲會有張紙，按汽水擺放次序，顯示自己喝的是何款汽水
你估下我飲完邊個國家既汽水，攪到咁鬼樣?? (反白見答案) 意大利汽水，好難飲的酒味
其實唔只架係呢隻咁驚嚇，除此之外，仲飲到洗潔精味、怪菜味等，不過其實大部分都好好飲，但係究竟邊杯好飲/難飲，咁就保持一下神秘感喇!!
最後我們三人，汽水當餐，16杯無論好飲難飲，都一飲而盡，不醉無歸!!! 哈哈哈
之後我地過隔離既M&M專門店買手信，M&M有4層樓，不過唔算係我杯茶，因為我都唔食朱古力，不過香港既人應該鍾意，所以反而想揀這裡掃貨，七彩的朱古力，睇下已經夠壯觀
好開心呀，我買左南瓜留念，不過卻是惡夢的開始......
唔知點解有架車O係度呢? 但朋友話，呢架車真係用來參過賽的
還見到藍色M&M跳舞助興
買了些少心儀的手信，時間大約係八點幾九點，其實真的有些倦，但又覺得今日訓到黃朝白晏，四點幾先話正式行街，咁快就返歸? 有點覺得過分，咁咪驚訓唔著，惟有繼續行，不過前面的MGM，我們已經行過，所以入去搵返條行人天橋過對面睇下。
由於腳骨力已經下降，所以往後不能每間酒店都入去行，我們打算當散步，睇下可唔可以行到去Mandalay Bay；MGM對面是New York New York，我地在外面經過就算，之後再經過Excalibur，這間和之前的酒店都差不多，所以冇特別影相，然後我地行到最後一站Luxor，因為我們發覺無人駕駛的列車約十一點半就尾班車，如果錯過左呢D車，就真係要用兩隻腳行返去Mirage拎車，這可不是講玩，所以我們決定到Luxor行一陣便回頭了。
Luxor以古埃及為主題，所以裡面的設計，也是以金字塔做主題，連酒店客房同升降機都係斜上，配合三角形的設計
激光直射，所以唔駛怕盪失路，一睇呢條藍光都知係Luxor
我們三人的精神都已經相當疲憊，不過我們仍然想做一個測試，就係如果要步行，到底要多少時間才能回去Mirage取車。我們由Luxor折返，一直都冇行入去酒店，不過朋友話Bellgio好值得入去行，所以Bellgio是我們最後一間入去行既酒店。
朋友話好值得影呢間好出名既朱古力店，不過舖頭關了門，唔知有咩睇呢?
不過原來好戲就在後頭，我覺得Bellgio係咁多間酒店設計最靚既
結果，我們用了差不多90分鐘，才可由Luxor返去Mirage，所以如果要「行」晒成條Las Vegas Strip，都應該要2-3小時。
今日真係好累，不過過埋聽日，就會告別糜爛生活，這都算是一件好事。早抖.......
沒有留言:
張貼留言