今天遲了點起床，因為事實上未能確定今天的行程，其實我今日打算去波音公司tour睇飛機廠，不過波音的飛機廠和西雅圖市中心有一段距離，朋友今天不能車我去，因他有事做，而那裡附近其實有巴士到，既然有公共交通工具，自己一個人去又何妨。不過第一件事要book tour，因為聽聞去到先book tour可能會冇晒位，到時真係白費心機。所以我先行致電book 團，1:00的團仍有位，所以確定了，今天會到波音工廠一趟。
在這裡出發相信大約要一個鐘頭，於是約十點幾就起行，我先到住所附近的一個巴士站，乘搭511號巴士去到一個叫Lynwood的巴士總站，再轉113號巴士，等巴士時間開始洒下陣陣冷雨，相信西雅圖就在今天已經是冬天了! 在西雅圖沒有買pass，所以都是真金白銀比車錢，Lynwood這個地方是一個頗荒蕪的地方，想找個廁所都難，而且已經有車，所以唯有忍住，要坐113號巴士到波音工廠，仲要坐多大約45-50分鐘，結果11:45左右才到達落車站。兩程的車費，加埋用左US4.5。
落車站就是相片中油站附近的地方，油站那裡有一間便利店，我在那裡買了個火腿治充饑，韓藉店員表現友善，他教我從油站旁的斜路，直上十分鐘左右，就會到波音工廠了!!
冷雨(不是夏天那裡傾盆大雨)狠狠的撲面，我仍然懷緬著昨天溫暖的西雅圖，但今天已不復見，一邊行一邊噴氣，不時打下冷震，沿途除了車外，幾乎沒有行人，很淒冷，而行左十分鐘斜路，亦終於找到這個Future of Flight大門，我找對了，還早到了一點
波音tour的門口
門口外的停機坪及飛機廠
入場卷
本來會開放給人拍照的gallery，今天不知為何關了門
因為gallery關了門，所以只能參觀tour，而波音亦因此送了每人US5的coupon到紀念品的地方購物，這裡的東西都很精美，但時間很趕冇影相，我睇o岩左個咭片盒，諗住完左tour再過去買，同返呢先影相，點知原來已經再冇機會影同買......
整個tour約90分鐘，開始時會到一個hall睇片，講下波音的出品及最新產品，之後開始坐旅遊巴，到廠房參觀，而廠房是不能拍照同帶電話，所以一早把背囊放在locker，不過電話就偷偷地袋住。導賞說這裡的廠房，應是全世界最大的室內建築，我們亦需要一條頗斜的樓梯落去廠房底部，再坐lift上去睇，個人來說，d樓梯真係冇咩野，不過d書真係咁講，同真係見到有旅客pk，如果真係去，真係要小心行樓梯。
導賞的英文猶如rap歌一樣快，即使我原以為自己的英文還可以，到了這裡仍然只是一個文盲，所以旅行的確可以幫到自己減少驕傲，因為我幾乎一句都聽唔明，除左佢D instruction之外，所以只是用眼看的份兒，最深刻的是看到飛機是分part鑲嵌，也看到一些冇窗的貨機，而裡面的人有時會坐車的，因為太大了。其實叫做見証一下飛機是怎樣製造的，我想對飛機有興趣的，會很興奮，而我來的目的，諗住影下相，同識多少少野，不過睇左一陣竟然覺得悶。
但係最搵笨的事情在完tour才發生，本來諗住去完tour用張coupon買紀念品，點知一入返去，全世界都落雨收柴，準備關門，但事前完全無人通知一完tour就要立即走，於是什麼都買不到，慶幸有憤怒的遊客和我有同一憤怒，紛紛走上前回水，職員都好似已經早有準備咁，幫客人做退款，所以本來US18的tour，US5 coupon用唔到，於是用信用卡退返US5，即係US13就攪掂，但係我覺得退款都係無用，始終一場來到，相又影唔到，紀念品又買唔到，所以今日簡直係搵笨之旅。要知道要來這裡，一來一回已用了大半天。所以感覺波音工廠唔太好玩，但已浪費了我一整天的時間。
攪完所有既野，已經係三點幾，於是返去斜路對面等返巴士走，等車的女士和我友善的搭訕了幾句。巴士都唔算太疏，等左十五分鐘左右就有車，當然啦，去到巴士總站，又要再轉車，不過今日其實係西雅圖的最後一天，呢一次係搭返車去downtown，然後朋友車埋我既行李，一次過直返機場，在第二程車回市中心有些塞車，後來塞到West Lake Shopping Centre附近落車。
沿途影下西雅圖街景，這是單軌火車，不過現在似乎以觀光為主，沒有實際用途，今次冇機會坐lu
在West Lake對開，有一個Ride the Duck Tour的counter，可惜而家去到就已經收左。早知今天去呢個tour好過。呢個tour好似幾特別，除左上岸坐車之外，仲好似會帶埋去出海，最後還有一隻會怪叫的騎呢鴨贈送，不過個tour當然貴貴地，但應相信會是一個有趣的體驗
又行下，又等下，時間已經到五點半左右，在西雅圖最後一站便是到唐人街吃飯，我們到了一間台灣餐館食飯，這個是唐人街的牌匾，不過西雅圖的唐人街規模細，冇咩野行。
好了，時間差不多，其實有些少唔捨得西雅圖，總覺得可以留多一兩日，不過在最精彩時離開是最好的；今晚坐2000機返LA，搵返住LA的那位朋友，而今晚會做一個人生的創舉，就係漏夜由LA機場直去大峽谷，咁大個人都未試過咁樣坐長途車，期待.....
沒有留言:
張貼留言