小籠飽、紅油抄手、牛肉麵、排骨麵都典型的食物，小籠飽竟然凍左，不過其他都非常好食，上菜都上得快，因為要趕搭11:35班次的高鐵，所以食完就好快走。值得一提的是，這裡的廁所是好先進，不過唔記得影相TIM....有機會去既時候，唔急都要入去睇下
一切盡在掌握之內，我們準時到達位於台北車站的高鐵站，乘搭11:35的班次
在香港話比人知，要在五日之內由北去南，好多人都唔知點解覺得冇可能咁，但係高鐵通車後，由台北去高雄最多都只不過兩個鐘頭，有D快既班次，個半鐘已經可以到，由北去南，而家都係相當方便，況且這程高鐵，正好讓疲累的精神好好休息。不過呢程都幾貴下，1265台幣，即係每人都要比三百幾蚊港幣
準時於1:35到達高雄，我們在這裡，等待一早在香港找到的包車司機小簡，小簡其實一早已來了，同行友人想去買高鐵紀念品，所以大約2:00，才正式由高雄離開，大約用個半鐘的時間，前往墾丁。
到達墾丁的第一站，是先去海洋生物館(下稱海生館)，先打賞海生館450台幣後，用了大約兩小時多去參觀。
海生館正門
由於距離上次食飯已經隔左好耐，於是靠試食的魚絲來充飢
上次在南非幾乎和企鵝零距離接觸，這些被關住的企鵝委實沒有特別可觀之處，但難得見到企鵝游水，都影張相留個念
這只龍蝦，引起了我無窮的食慾
七彩的水族館
四點半館內有一場潛水員餵魚的表演，這些巨型鯨鯊，猶如幽靈般不時在水族館飄過，真係好似好輕型咁飄架，雖然鯨鯊是世上最巨大的魚類
說實話，海生館比我預期中冇咁多野睇，兩個幾鐘頭都有些嫌多，無論如何，行下hea下，等到6:00讓司機接返我地。由於萬里桐就在附近，於是請司機到萬里桐走走，睇下日落
到萬里桐的目的，最主要是找這個郵筒
不到一分鐘，太陽越來越細，直到它在地平線上消失
天開始黑了，小簡帶我們去他推介的飯店食野，最上面的是黑椒鹿肉，左邊是海鮮捲，下面應該蘿蔔絲(送的)，右邊的當然是雞。鹿肉的感覺似牛肉，味道有點獨特；海鮮捲不錯，不熱氣；雞就一般，我最怕就是食酸野，所以兜蘿蔔絲興趣不大
食完飯後，小簡車我地返一早預訂的民宿，我地的民宿是「二手童話」，住在其中一間「愛情之路」的房間，但這房由二人變為三人，才發覺，三個人住在這間房的格調，委實有點奇怪，看看枕頭便知。
但無論如何，這是一間很舒適的民宿，這是他們的大廳
我地做了check-in同放低行李之後，便落去墾丁大街逛逛，剛才司機不停左兜右兜，仲以為好鬼死遠，其實只係需要行五分鐘便可出到墾丁大街。
不知怎的，我挺喜歡墾丁大街，可能東西都集中在一條街，條街唔長唔短，適中，而且七仔同屈臣氏都好方便搵到，買野非常方便。最開心就係在屈臣氏買到精裝的head&shoulder，要大量入貨至得。除此之外，有好多特別的美食可以o係條街搵到。這條巨型魷魚，是我的「賣飛佛」
垂涎三尺
琳瑯滿目，不過冇可能樣樣都試
還有傳統玩意︰「掉青蛙」
行了一個多小時，人都謝了，今天的行程到達尾聲。不過臨尾有個小插曲，就係我訓露台那邊，有盞燈是人手關不了，攪到十一點幾都唔熄，我冇可能開著盞燈來睡嘛。於是又要浪費電話費，打比老細查詢，原來盞燈係會自動熄，中央控制，認真怪異。同屋主收左線無幾耐，盞燈真係自動熄左，終於有覺好訓；不過，真係唔該下次個屋主講清楚，攪到又要浪費電話費，又攪到佢冇得休息，咁就無謂啦....
沒有留言:
張貼留言