今天主要造訪德黑蘭的宮殿，上午到了Niyavaran Palace Museum，下午就到Sa’d Abad Museum(巴列維皇宮)。我沒有採用Mousavi先生的坐巴士方法，因我相信必定塞車塞死，於是我乘地鐵1號北行線最後一個站，下車後截的士前往，唔知係咪個司機太好人，竟然IR2000就攪掂，越坐越平，不過司機好似唔係好熟路，左兜右兜先至搵到入口。
Niyavaran Palace Museum是巴列維王朝的末代國王辦公的地方，巴列維王朝其實只係近一個世紀左右的事，所以裡面既野唔算特別舊。
Sahebqaranieh入口
Sahebqaranieh內舖滿碎鏡的設計
見到一班智障的朋友也一起參觀
平實簡約，真正的Niyavaran Palace
遊覽完後，沿著出口有路就出，見唔到有路口截的士，卻讓我找到巴士站，我幾肯定巴士的方向是回Tajrish Square，而回到Tajrish Square就可到Sa’d Abad，於是見到巴士就立即上車。
落車之際，已有路人見到我迷惘的表情，一位叔叔於是就帶我到上Sa’d Abad的路口，而該路口附近有一間西式餐廳，已忍受了很多天沒有好好對待自己的腸胃，於是想也不想就進內幫襯，我叫了一客焗雞皇意粉，雖然好貴，不過不顧得那麼多，簡直人間美食，連汁都撈埋!!
雖然有好心人指示方向，但是往Sa’d Abad入口的地方異常隱蔽，我在附近問了不少人，找了差不多個幾鐘先搵到，要走上一條又一條的斜路，原來那裡位處山頂的一條掘頭路，唔怪得難搵成咁。
巴列維皇宮於三十年代建成，主要作當時的皇帝Pahlavi作夏宮之用，佔地及規模都比Niyavaran Palace Museum大得多，皇宮主要分為白宮及綠宮兩大部分，另外還有一些小型博物館，入到白宮竟然聽到一團人講廣東話，我相信是香港人，不過只叫佢地幫我影相，沒有特別詳談，始終不是同伊朗人，唔好慣同香港人無端搭訕。去了白宮便到另一邊綠宮，我找不到那些上綠宮的小車，於是用了半小時行上去，那裡就好像一個大公園，空氣清新，沿途還播放波斯音樂襯托環境，如果天氣涼一點會更好走。
幾經辛苦，才找到這個 Sa'd Abad Museum正門
白宮
白宮內的客廳
我喜愛牆上的壁畫
白宮外的雕塑
在和煦的陽光下，漫步通往綠宮的小山路
綠宮外，不過內裡不准拍照，唯有只影外觀
在綠宮外看見勞斯萊斯，真經典
在巴列維花了大約個幾鐘的時間，時間已是下午四時多，因為要趕去下一景點︰伊朗電影資料館(Film Museum)，我擔心那裡五點就關門，回去截的士落Tajrish Square再找路，截的士過程有兩位波斯美女途經以為我唔識路主動幫我，今次終於有女士主動協助，不過只是當時截車而不是迷路。
到達Tajrish Square，雖然好趕，但係真係好渴，買左杯思樂冰飲下，沿大路一邊行一邊問人，我於4:55終於找到Film Museum的入口，其實去Film Museum，除左想行博物館外，最想都是藉機睇下伊朗電影，因LP話會有影睇，我行了博物館一會，才發現地庫那層才是戲院，不過可能套戲已經播左半個鐘，職員免費比我入去睇。雖然已經播左一段時間，聰明的我好快已經知道呢套係一套查案片，有關查一宗汽車炸彈炸死人的案件，有些似八十年代香港電影的格調，可惜最後係悲劇收場。
伊朗電影資料館內
入夜後的電影資料館
然後行出去諗住搭的士轉返地鐵，行下行下終於去到大路口，我看見一輛的士剛落客，於是嘗試希望叫司機唔好關門等客，等我唔駛比咁貴，誰知司機不肯，強行要迫我當private的士咁坐，他漠視我叫佢唔好關門的要求，我便立即落車，這些舉動當然引人注目，有途人見狀叫我再走前一點截車，就在那裡，我見到一架載了一名打扮時尚的女乘客的的士(染晒髮、化濃妝)，司機叫我上車，同車的女乘客坐了一會就離開車廂，不過她會回來，叫司機等，我也一起等，過了良久，個女乘客終於返，我叫司機載我到最近的地鐵站，誰知我發現自己沒有散紙，同車的女乘客表示話請我搭車，我實在非常感激，事關差不多到了行程尾聲，但錢可以用得七七八八，自然想慳。不過我想quote這段經歷，是很想大家知道，伊朗的女人應是中東國家偏向前衛開放的一類，你可曾見過中東的女人濃妝艷抹，還公然抽煙，仲會咁豪氣請遊客搭車?不過在德黑蘭則比比皆是。
我突然想起原來我的皂液已經用光，晚上回去時，打算沿途找些舖頭買返支用，我知道伊朗沒有超級市場這種東西，於是嘗試找雜貨店，豈料從Imam Khomeini到Mellat沿路幾乎找不到一間雜貨舖，混亂的街道害我找了一個多小時才可以由地鐵站回旅舍，不過雖然買不到皂液，但在路上想到了解決辦法。
臨回旅舍時再次找Mousavi先生，請教他如何前往Masuleh，原來是相當複雜的一件事，心沉了一沉，因為我要先到一個西北城市Rasht，然後在Rasht找小巴往一處叫Fuman的小鎮，再要在Fuman小鎮找另一架小巴才可到Masuleh，要知道我沒可能擁有幾個地方的地圖再慢慢找，即是說，我真的要完全倚靠上帝來指引方向了，可是沒理由放棄，我相信我一定可以找到的，Mousavi先生還寫了一個名字給我，著我到達Masuleh可是找他安排住宿。除此之外，我終於知道原來Mehrabod Airport是有廿四小時服務往國際機場的巴士路線，太好了，唔駛野野被的士騙錢。我再次從心底裡多謝他，於是送他明信片後，便回去了；我仍然覺得難以置信，又不是遊客中心，幫了我又不會有任何商業利益，我再一次被伊朗人的無私感動了。
今天搵路搵到暈左，完全無力寫遊記，沖完涼就立即安睡了。
這個就是Mousavi先生，認住他了!
旅遊心得︰
1. 伊朗地鐵內的路線圖顯示了北行路線的尾站是Tajrish站，但原來於2010年10月根本還未通車。不過都唔緊要，只是去到最北的一個地鐵站搭的士到Niyavaran Palace同Sa’d Abad Museum都係相當之平。
2. 往Sa’d Abad Museum是一件相當複雜的事情，沿途沒有路標，我建議在Tajrish Square花少少錢坐的士上去慳返時間仲好過
3. Sa’d Abad Museum的白宮及綠宮需要經過一段山路，約需行半小時左右，沿途看見別緻的車輛上山，不過見不到總站在何處，但沿途綠草如茵，慢慢行都是一件樂事。
4. Niyavaran Palace同Sa’d Abad Museum的門票都是分開買的，如果唔打算去晒所有地方的話，應先study一下LP再決定自己買咩門票。有需要時那裡通常有懂英語的職員會幫你。
5.伊朗電影資料館的地庫是有電影觀賞的，不過唔知點解佢免費比我入場。另外要在資料館裡面影相是要買permit的。
6. Firouzeh Hotel老闆的善事我已在上面提過，所以我覺得呢間hostel住得過，唔住都應該拜候一下老闆，佢會教你最平的方法搭車。
第十三天重要支出
支出
|
價錢(IR)
|
地鐵(MellatàTajrish)
|
7,500
|
的士至Niyavaran Palace
|
2,000
|
Niyavaran Palace入場費(非全部)
|
13,000
|
S’ad Abad Palace入場費(非全部)
|
10,000
|
Film Museum入場費
|
20,000
|
午餐(雞皇焗意)+汽水
|
54,000
|
飲品
|
40,000
|
Kharyam Hotel(兩晚)
|
320,000
|
沒有留言:
張貼留言