本來好想善用今日的時間，辦完簽証後，去埋迷城，可惜事情必定沒有那樣順利，因為要等候旅舍的shuttle，永遠等冇半粒鐘都唔走得，這天要到Pretoria做贊比亞的VISA，單程已要用1.5小時，十點二十分到達贊比亞大使館，首先我要先填張form，等左幾個字終於有人來，未見官先收470銅板，仲要幾天後先可以拎，第一件令人發火的事情發生，就係我不停call都call唔到旅舍的司機，究竟係佢比錯電話我? 冇電? 收唔到? 但論點樣去估，用晒我手上的電話咭同銀仔都打唔到，在這一小時內，我不停在領事館門口出出入入，有時幫佢做下義工幫人開下門(事關大使館用保安門，一個門關，另一個門才可以開)，我才想起，為何不索性打回旅舍叫佢call，點知唔駛10分鐘車就來，我問佢點解打極都打唔到比佢，佢話個電話冇電就會咁，連留言都唔比我留，但我唔明點解旅舍一call佢就得囉! 如果係咁，你做咩唔索性叫我打返去旅舍，直接call咪得囉!!而且作為一個司機，明知個客隨時會打被你，你點解唔好好charge足電先出來，如果我冇帶旅舍個電話出來，我就全日滯留o係度唔走得。我實在好唔明白佢地係有心定無意，我淨係知道，被佢攪一攪，成個上午被佢浪費晒，迷城夢碎，但已經冇咩精神，而我仍然相當疑惑。
贊比亞大使館
到左下晝，既然邊度都冇得去，惟有又要去商場hea，其實一早發現在Bruma附近有一個「東方商城」的物體，一直很好奇想入去，兼且想搵下到底會唔會有鮑魚賣，南非鮑魚好出名，但搵勻全國都唔見有得賣，難道南非人唔知自己既鮑魚係咁出名?不過其實都打定輸數，行入去都幾up dup，主要賣雜貨同衣物為主，並見到兩個講廣東話的師奶，不過由於係師奶，所以冇刻意搭訕。由於沒有收獲，於是再次到Eastgate商場打書釘，打左幾個鐘頭，自問已於5:00返返去Bruma的正門等候接送。
就是這個東方商城
第二件令人髮指的事件又來，不如比個名佢︰J先生，因為呢個J先生在往後不停給予我麻煩，這位J生本來應承於同一地方於5:00接我走，我可能5:01至到，看不到任何人接我，但豈料這時開始風雲變色，天色突然變得黑過墨斗，天色越來越差，仍見不到有任何人，不停打雷閃電，由於地方空曠，這時發覺閃電就在自己身後擦過，令人不寒而慄，5:15已開始風雨交加，我沒有雨具在身，我發覺對方真係信唔過，幸好剛才行商場見到兩位同住的旅客話六點會有另一司機在商場走，於是我就冒著大風大雨，在約堡的街頭狂奔，這種感覺，一世都不會忘記…..
一邊跑一邊看著閃電，就算冇做虧心事都驚會被雷劈，這裡行雷閃電的感覺，從沒試過那麼近，全身濕透的我，終於跑返去商場，落湯雞的樣子令我常懷疑別人的目光，想搵窿捐都搵唔切，最後到6:00，我同另外三位宿友一同搭車，四人擠在車的後座，活著三文治，真折墮!
返到去，J生只表示有來過但見不到我，然後就好似好忙咁走左去，無辦法捉住佢向我交待，好!!你給我記住!!
過左咁多晚，今日先開始見識這樣「捧」的staff及服務，第四晚了，我也開始適應這裡的生活，一邊寫遊記，一邊等食飯，同頭先迫車的兩位房友傾計，原來一個係來自法國的廚師，一個係印尼人，我和他們分享開普敦的經歷，我吃完飯後，他們兩個就自己煮飯食，沖完涼之後見到他們煮好，看來他們煮的食物比我剛才的熱狗更美味，如果不是明天一早起身去Safari，我一定會厚面皮地問下仲有冇得食，只可惜，世事往往就是如此。
暴雨中的商場，事實天色是相當黑，這隻相有閃光燈才會咁光
好一個愚人的4月1日，有兩件事我要認真考慮︰1.加長旅程一天，因為想去埋迷城 2. 要找地方公告這天的經歷，讓人知道這間旅舍的真面目 3. 仲有一樣好睇唔過眼，就係佢地(旅舍的白人staff，J先生都係白人)成日戲弄他們的黑人工人，今日已見到兩次，兩次都係無端端彈出來嚇佢地，一次仲衰到揸住間車扮撞去佢地度，我覺得佢地真係好唔尊重人，那些黑人的工人次次都比佢地嚇親，樣子毫不enjoy，真係好想唱衰佢地!!!!
今日心情差，所以影左好少相，同埋邊度都冇去，也沒有經驗分享，都係o個句，應該要帶番把遮囉!
沒有留言:
張貼留言