黃金礦城的感覺真係好似Disney，但加入了自己的本土元素，我十時半才到，要參加地下礦坑的Heritage Tour的收費會貴一點，Heritage Tour歷時兩小時，十一時才有團，換言之去完就差唔多已經走得，原來有心去玩，應該係要比返一日時間落去。
Gold Reef City 入口
等待礦坑團之前，在園內看見了魔術表演，這些trick沒太大興趣看，看的則是魔術師豐富的表情。
礦坑團在前部分先會有套片播，然後先到一些礦坑的經理/老細的英式或法式的豪華大宅及其富貴生活，這時想起究竟把昨天去過的Apartheid Museum和這裡放在一起是否有特別含義，真是吊詭。看完之後有衝動想把白人揍一頓。然後我們就戴住頭盔，咩住電筒，在礦坑門前以R30在門前映一張集體照，然後廿幾人迫在升降機中，落到226米深的礦坑內，導遊不停解說開礦的過程及示範，相當technical，有些難明，但最攪野就係去到某一個point，原來一直匿埋左一個人幫我們做示範，被佢嚇一跳，仲以為佢係模型! 我們又一齊迫返上去，然後再入到一個房由掘出來的金，如何變成金磚的過程，最後一舊金磚就這樣出爐，真奇怪，咪每日燒左好多舊金出來?
黃金礦城前菜 - 魔術表演
園地內四隻可愛孔雀，見親佢地都係四隻一齊行
礦坑之旅開始了!
落緊坑
這裡是急救室，在這裡也會點名，確保一個礦工也沒有少!
行完了，準備搭lift走，看到我們的一身裝備嗎?
製金磚的過程
人人都話用兩隻手指拎起呢舊金，就會將呢舊金送比o個個人，點解我聽唔到呢個訊息既??
雨後的黃金礦城
如無估錯，呢兩隻應該叫做駱馬
行程完結，又下雨，又係冇帶雨具，於是拿拿臨在雨中買了一件牛肉腸熱狗試下，味道都ok，不過相信並非正宗。時間已經差不多了，只能在附近走走，行左入一個農莊，又睇下動物，然後又睇左一陣表演，1:30準時返到出口，旅舍的司機很快就到，突然對他們又有些少改觀。返到旅舍坐一陣，下午就到附近的市場買手信，循例都要對香港的鄉親父老有些交待嘛!
牛肉腸(Boerewors)熱狗
臨走前留步看一會民族舞蹈
這個跳蚤市場叫Bruma Flea Market，Mook也有介紹這個市場，這裡的地方都算大，起碼大過開普敦的Green Market，而且選擇亦比較多，當然可以講價，今次係咁大個人第一次不停同人講價，當然開始時不太成功，因試過口同腦不協調，竟然叫了對方開既價錢，當場好「懦」，那個女人還相當得戚地攬住我，因為佢知道我衰左。由此之後，開始學習無賴，例如購買10個鎖匙扣後無賴地拎多一個，然後屈返原價，又例如買完一堆野後又屈少佢五蚊，呢d野我從來不會在香港做，認真突破。由於司機要在對面的Eastgate商場在六點接返我，於是要自己徒步過去過對面，有一小段路，自己行都好似冇咩問題，安全地到達商場，不知是否自己著到老土的關係，似乎無人對我虎視眈眈，去到商場周圍行下，規模好似奧海城，不過超級市場唔知點解好準時收鋪，攪到想行都冇得行，不過好彩有書局，就足夠讓我可以hea到夠鐘，架車都係好準時到，好早就返到去。
Bruma Flea Market正門
買唔到都映下 - 昂貴兼 ar ja的鴕鳥蛋
Eastgate Shopping Mall
商場內貌，這裡一點都不落後於香港的商場
好似好抵食咁喎!! 在商場內見到的，R200有咁多野食??
由於杯麵已經吃完，於是享用了旅舍的住家菜，第二天才知要收費，總算味道ok，可以任添，今晚是多天來吃得最飽的一晚。仍然在tune in這裡的氣氛，人較為cool，個個都掛住睇電視，我也唯有安於在這裡睇電視hea下就算。
晚上隔離床來了位德國女仔，訓得咁近大家都似有些唔慣，原來她錯過了Bazbus被迫留宿，應該是說Bazbus忘了載她，如果係我，我就一定唔會留，因為她要星期三先走得，後來知道原來她要寫有關非洲的論文，預備入U，所以她已用了很多時間在非洲流連，真係開心，香港人只鼓勵人讀萬卷書，其實個個都係井底之蛙。心痛!
今晚的晚餐︰硬硬地的飯、燒牛肉、大量雜菜及薯仔
經驗分享︰
1. Gold Reef City並無任何公共交通工具到達，所以出出入入需要找旅舍或其他方法協助，不過的士應是超貴，可免則免。
2. Gold Reef City的入場費為R170(礦坑之旅)，如果唔入礦坑會平一點，Gold Reef City的機動遊戲不算太特別，也沒有Disney那般咁多相影，但如果鍾意睇下非洲土人的表演，或睇下一些特別的建築，其實都可以流連大半天的時間。而且礦坑之旅歷時兩小時，已是用去一晝。其實如想同一天遊埋隔離的Apartheid Museum，未嘗不可，不過可能會有些趕，可能會有些顧此失彼，視乎各人的喜好。
3. 約堡唯一一個比開普敦的優點，就是手信較多選擇，在Bruma竟看到一些在開普敦找不到的款式，如公仔、匙扣等
我本想透過JNB的hostel 訂local tour，但hostel反建議我在travelcomments.com安排。本來選了幾個package，但他們說該段時間都沒有我選的幾個團。 所以想請問一下你有沒有其他local tour company的介紹??
回覆刪除[版主回覆05/29/2010 14:15:00]如果你有看過我之後的遊記，我相信我不會太信任hostel的團。我沒有tour company介紹，不過到步南非後，一般在網上見到的旅舍，都會送一本叫做"coast to coast"的免費書仔(詳情請見南非︰參考資料一part)，裡面會有好多選擇。