今天的行程中午前到達McArthur站附近的地方找另一位三藩市朋友食lunch，然後下午估計會返出呢，繼續市內遊，初步包括叮叮車博物館、九曲花街、Colt Tower等等。
但係一定要九點幾出來，那麼我最遲十點都去到市中心，未到食飯時間，去邊度hea好呢? 於是我就決定在遊客中心流連一下，遊客中心就在我昨天出現過的Powell Station附近，我有的地圖scale太細，其實唔係好知o係邊，左兜右兜，先發覺，原來想找的，一直就在身邊，因為根本就在BART一出閘(還是地下層)，我平時轉右就上返去地面，但原來轉左就是遊客中心，遊客中心是建於地牢的一層。不過都冇所謂，反正大把時間。
三藩市遊客中心內，裡面有齊典型的local tour、電腦、地圖等遊客資料，而我終於可在這裡找到一份相當有用的地圖，從此，對三藩市的巴士變得瞭如指掌
我需要預留一些時間，去到三藩市另一端的MacArthur站，轉搭巴士到朋友的辦公室附近食lunch，所以十一點左右便離開遊客中心。MacArthur一出，似乎是一個住宅區，明顯黑人較多，但治安尚可，到達後找免費接駁巴士，竟然是免費的!! 這相信是交重稅的「福利」。聰明的我很快便上車，出發前亦在goggle map了解一下下車地方附近的環境，好記得附近有一個小花圃，種滿紅色花朵，找到對的站下車後，果然見到那堆小紅花，知道冇等錯地方，而家goggle真的方便!! 可以幫我準時在一個完全唔熟悉的地方出現。
和朋友傾了一個中午，到了附近的一間Cafe食左一個大型早餐(是絕對可以當lunch咁食!!) 最開心的是知道她將會到烏干達做義工，實在太令人羨慕，事關我沒有網絡，就算有網絡，也不能「話走就走」，這回去完美國，又加埋之後個trip，錢已所餘無幾，去做義工都要比機票架? 不過我相信我會有機會去一個義工旅遊，儲到錢再plan下吧!
真正返到三藩市downtown大約是三時左右，第一站會是參觀一下叮叮車博物館，事關叮叮車是三藩市的landmark，感覺就好似英國的紅色雙層巴士一樣，所以慕名而去，順便睇下有冇手信可以執下。
時常帶我們穿越斜坡的叮叮車，我們又見面了!
叮叮車上通常有兩名職員，一個負責駕駛，一個負責敲叮叮鐘叫人落車、收錢，如果你在某個站或地標下車，記得通知聲，職員就會提你落車，相當貼身的服務
位於斜路附近的叮叮車博物館
博物館後欄，其實就係整個叮叮車系統的大腦，負責三條路線的運作
原理唔太明白，淨係知係靠呢D滑輪不停轉動來使叮叮車移動
博物館是免費參觀的，不過佔地不大，得一層樓多少少，內裡主要介紹叮叮車的歷史、運作及三藩市大地震對交通的影響
博物館太細了，頂多大半個鐘已經行完，一出門口，盡是維多利亞式建築的住宅，幾靚wor
下一站，就是到久仰大名的花悄曲街Lombard Street 參觀一下，由於有個pass太方便，所以決定又搭多次叮叮車前往，車程大約十分鐘左右；成條Lombard Street 其實好長，而被稱為曲街只有一小段，但這一小段的斜路數目堪稱殿堂，在地圖上這部分的街是呈腸狀的，而在這裡由斜路較高的地方望下去，的確相當吸引
聞說這裡的花以前應該更多，現在則比較凋零。但九曲十三彎始終是特色，我數過了，彎位好似有十五、六個咁多
然後我繼續沿著Lombard Street 的斜路落去，下一站就是相片右方的圓塔，這個其實是三藩市的觀景台Colt Tower
根據地圖，我行左十五至二十分鐘左右，找到39號Muni的巴士站位置，而39號巴士，亦是唯一能通往Coit Tower的公共交通工具。
轉眼已到達Coit Tower，這個塔酷似消防塔，只因有份捐錢的Coit先生曾在火災中死裡逃生，把遺產捐給消防局，消防局就建這座塔
一入到塔，先在地下士多比US7，然後會見到一堆壁畫，描述20-30年三藩市人的生活，值得躊足一看
入到一架頗舊款的lift，一名華人叔叔負責揸lift，他聽到我的口音，便說起廣東話來，份外親切，他是新加坡人來的，在這裡做part-time，寒暄幾句，既然咁有緣，決定醒多幾蚊做tips比佢。
上到塔頂了，那個奇特的建築就是泛美金字塔
遠處為漁人碼頭及Bay Bridge
在這裡逗留了大約半小時，就搭返lift落樓了。落樓由這角度看，成件事變得威風凜凜左.....
但係時間仍然尚早，仲有邊度好去呢? 諗諗下，都係返去漁人碼頭附近HEA，因為架39號巴士的總站就o係漁人碼頭，到步後等到夠鐘再聯絡朋友車我走。我發覺我張Pass仲有好多野未用，其中一張就係水族館入場券，在冇咩期望之下，就入去打個圈
都是熟口熟面的金魚缸，在美國多天，實在見得太多了
途中看到這件T-shirt，幾別緻，囊括了三藩市重要的十二個景點
這個水族館，張pass包埋就入下去，否則真係唔係幾值，個水族館幾細間，又冇咩特別野睇，不過我個人寧願睇海洋生物都唔太鍾意行公司；唯一一個特別的體驗是可以摸下D 騎呢既魚，但我唔記得條魚既名堂，總之滑潺潺咁啦。
行完之後，原來我仲未行晒漁人碼頭，沿住通往商舖的小路前進，原來這裡才是漁人碼頭真正的中心
這裡售賣七彩的香料，幾靚喎，唔只呢三桶，仲有十幾桶，差不多桶桶都唔同顏色，好燦爛
不知不覺已經行到海邊，剛剛好是黃昏六時，真係天工造美，完全沒有刻意等待，就見到醉人的晚霞，醉人的晚霞映照著惡魔島，戾氣都降了一半
漁人碼頭吉祥物 - 瀨尿的海豹
行完一陣瞬即天黑，這個地標，就是我等朋友太太載我返屋企既地方，今次我唔駛轉車，因為朋友太太就在downtown附近
我已經做了三藩市的巴士達人，今次行程異常順利，暢通無阻，明天打算繼續博物館之旅，因為要用盡張Pass嘛! 明天繼續!
沒有留言:
張貼留言