為免今次又坐三剎位，吃完米線後便立即霸窗口位，起碼要「dun」車時冇咁辛苦，其實呢架車肯定超載，因為落雨，行李唔再擺O係車頂，除了載滿人之外，仲塞埋D行李落去，令本來擠塞的車廂更加擠塞，都真係幾危險下，可惜冇辦法，而我和同伴更分道揚鑣，一人坐一架車，大約早上八點幾，就離開獨龍江了。
雖然今次坐窗口位，但係已塞了大量行李，而家一行要坐四個人，都唔緊要喇，上山天氣又濕又凍，下雨不停，窗口位更加唔駛講，就在同一時間，坐隔離既女乘客暈車浪嘔，前面有一個村民飲醉酒，不停吸煙後，還時常胡言亂語，屢次企圖下車，又騷擾司機，簡直身處地獄一般，其他乘客就當然要按住他，不要讓他發癲，否則隨時車毀人亡，而最大鑊就係車程過了一小時上山之後，最不想發生的終於發生︰
路塌方了其實過程中，車程中行下停下，原因是路上滿佈碎石，最終到了一個位置，前面的路已經泥石流，路已不能通行，我們有什麼可做呢? 落車去廁所、四圍行、影相，但係最終亦只能等待，雖然出發獨龍江之前，聽過司機話試過困在車上三數天，擔心是有的，但我不認為要等成幾日，事關山下有工程，有人氣，冇理由會容許上面封路咩都唔做，結果等了兩個鐘，終於看到挖泥車到達，大約半個鐘，就迅速把泥石清理，終於走得，這時大約已是十一、二點左右，饑寒交迫，頭先暈車浪的女士好返，仲比左一塊無咩味道既燒餅比我充饑，叫做讓肚皮得到一些安慰。幸運地，往後的路程都相當順利，下午4:00前，已能回到貢山，結束這次地獄之旅。
同伴話過左獨龍江，往後的行程都是輕省容易，無論如何，現在最緊要的是回旅館refresh，成腳濕晒，又臭又累，這時覺得太陽能浴室實在太勁，於是吃完晚飯後，躲在裡面沖了一個鐘頭涼，真爽快!! 可是同一時間，我的腰開始發癢，不知是否昨天睡的被舖不太清潔......
眼前的泥石流
前無去路
後有追兵
這架挖泥車的出現，是等了兩小時後才出現
小女孩苦中作樂
終於回到貢山，從旅館向外望，原來景色都幾唔錯!!
沒有留言:
張貼留言