最後一次留影於旅舍
大約七時多，朋友準時帶我到Montreal的一處商場地方，我便在附近等9:00開出的巴士，前往三藩市，好多謝朋友這兩星期的陪伴，又去LA、LV、錫安山，好似經歷左好多野咁，但....現在又突然平靜起來
我在一間越南米線的餐廳吃早餐，兼hea住唔走，我發覺到了這區，就好像從沒離開過香港一樣，耳邊聽著的盡是廣東話，我獨自呆坐一角，看看三藩市有什麼好地方，事關之後再無人同我plan，要靠自己，因為三藩市的朋友要返工，他們只能提供住宿給我。但係對我來說已經是很重要了!
九點鐘準時上車，由於幫襯華人公司的巴士美亞，所以車上的全是講廣東話既華人，感覺親切，縱然我不打算搭訕；鄰庭的女人又不時播廣東話舊歌，很有親切感，到了下午，司機載我們到麥記食lunch，原來到今日，才真正在美國吃麥記餐。
不過在沿途，大家目撃了一宗交通意外，有一架van仔撞到前面架車，有人受傷，最令我impress的，是車上乘客的反應，他們都似乎很關心事情的發生，很擔心受傷者的傷勢，甚至隔了多小時後，仲繼續問司機知唔知個人傷勢如何，咁當然係唔會知啦，但係唔知幾耐，在香港已經冇聽過陌生人會咁「八卦」別人的事，好有屋邨那些鄰里互助的感覺，我相信在異地的人，應該係會比較容易建立這些互相關懷的氣氛的。
由LA至三藩市的車程有8小時，雖然有些少塞車，但都順利於6:30左右落車，我在Oakland那邊下車，都似是華人聚居地，我就在這裡等候三藩市接我返屋企。三藩市的天氣黃昏後又變得涼快，還有些微雨，更添寒意。下車後要解決人有三急的問題，但不要期望會好似香港既商場咁易搵，攪左好耐，搵到間快餐店，仲要擺低按金先至有得借廁所鎖匙，要知道我身上有兩大包，手上又一大包(昨天的printer)，好不狼狽。
下車地點附近
等到差不多7:00，終於等到朋友太太來接我，由於他們住在市郊Pleasanton，所以他們在最近的Oakland pick up我，由呢度到Pleasanton都用左成粒鐘，好開心，因為已經冇見他們差不多十年了! 我們吃過晚飯，短聚一會，他們又推介一些行程給我，我就上房休息，呢間就係我間房
好大張床啊!! 所以亦意味著，今晚的睡眠，應該會是相當甜美! 明天會正式到三藩市市內遊，同埋睇埋惡魔島，大約十一點，我終於閉上眼睛早抖了!
沒有留言:
張貼留言