Huntington Library(亨丁頓圖書館)和之前參觀過的Getty Villa性質類似，只是Getty Villa所展示的東西更舊，都是古羅馬、古希臘的物品，Huntington Library則是鐵路大亨於歐洲各國買來私藏的名畫、用具及舊書的博物館，但似乎展品的歷史都是於中古時期或近代；除此之外，Huntington Library也有溫室、植物園、中式及日式花園，所以這裡是一個integrated的博物館，樣樣都有D咁.....
Library入口，門票盛惠每位US20(遊客價)，朋友有學生証所以半價
由於展館都幾多，我地亦無咩preference，隨意入一間，這裡就是存放古書的展館，這裡展示了很多古老的聖經
除聖經外，還有科學書、醫學書等
這裡是介紹電的知識，但不知和整個library關係是什麼，可能太累而且期望不高，都無咩心機探究原因
另一展示歐洲宮廷畫的展館
我通常我覺得靚或別緻的展品才會影
忘記這幅畫叫什麼名堂，不過夠精細，我鍾意，這裡好像是意大利??
除中古歐洲時代的作品外，也有美國的近代畫作，這幅似乎是比較出名的一幅，是美國女作家Mary Cassatt畫的
香港的博物館，通常就只在一building裡放展品，that's all，呢度除左睇展品外，還有一大片草地可以hea，好似仲係一個拍電影既熱點
這裡是溫室，裡面有不少植物的展品，仲可以聞下不同的植物的味道
這個「流芳園」如果坐著不是西洋的臉孔，相信同o係沙田中央公園影既冇咩分別
環境算幾靚，不過同大陸既差唔多，有咩分別呢?
最後一站是參觀玫瑰花園，呢度見到的玫瑰花最少都有六種顏色
參觀完玫瑰花園後，不經不覺又是到了四時多，Library是五點關門，保安很準時地趕我們走了，由於日本庭園正在維修，所以基本上都冇錯過任何地方。
整體來說，Huntington Library同之前去過的Getty Villa風格很類似，都是一些富商把歐洲文物帶來，然後set up一個地方收藏，但係因為太多文物，也沒有特別的主題，花多眼亂，欠缺特色(其他國家可能睇得仲多? 不過我懷疑真係好多都o係美國度)，除非真的對歷史文物勁有興趣，否則在我來說，都是一個不去也沒有損失的地方，但今日為了「攝」時間，一去無妨，但我覺得時間緊迫的話，這個地方可以不去，或在getty villa中二擇其一。
之後朋友因為肚餓，所以停了在附近，買了一個Taco來吃，Taco其實就是墨西哥玉米餅，經朋友勸誘下，我都買左一件來吃，因為本來冇咩興趣，點知平平地，又幾好食wor，而且有好多種醬可以點，不過我貫徹我的風格，食野唔點醬。
時值黃昏，又未夠鐘睇夜景，於是在downtown附近行一陣，由於看到有些旅遊書話地鐵站Union Station幾特別，所以我先在Union Station停下來影幾張相，朋友先去泊車，泊好再來找我。在這裡附近，是治安較差的地區，落車後影相我也打醒十二分精神，因為黑人多，有少少驚。
設計像一教堂的地鐵站
想映呢張壁畫，非常體現到美國的特色，就係「種族大熔爐」
Downtown一景
等待朋友後，我們走過對面街，這裡是一條墨西哥街Olvera Street，一行到入街，已經充滿拉丁風情。可知道加洲曾是屬於墨西哥，所以這裡仍有不少墨西哥的影子，拉丁民族能歌善舞，雖然已到黃昏，仍然興高采烈在街上跳舞。
在墨西哥街上的一間主要的教堂Plaza Methodist Church
Church後面便是手信街，墨西哥式手信色彩斑斕，愛不惜手，不過還是想等真正可以去墨西哥的時候才慢慢睇
墨西哥式的天主教堂後院，同樣色彩鮮艷
教堂一隅
去完墨西哥街，真係好有衝動想去，不過當然返香港，要搵工、儲錢，先有得傾，但我計劃左既，通常都唔會唔實行!
好了，是時候坐車去埋LA最後一個地方︰Griffith Observatory，這裡是看LA夜景一處出名的地方，但係路程都唔容易，可能朋友較少去那邊，而且天黑，找路有些困難，我們找到路時應已是七點幾，原來唔係淨係我地會走來睇夜景，所以又再遇到泊車的困難，泊車的地方係冇街燈，睇呢返呢搵車要記住條路。
Griffith Observatory顧名思義，除了是一個天文台外，也是一個天文及科學館，性質就如香港的太空館一樣，但係對於科學是白癡的我來說，我沒有太多心機逐樣野參觀，倒是想多看幾下夜景就心滿意足，但上到去，朋友話唔排下隊唔似呢過，因為呢度有一座天文望遠鏡，可以清晰看到月球，所以頂層有一條長龍，大家都排隊睇月亮，而我興趣一般，因為開始肚餓，不過都一齊睇埋先走。
Griffith Observatory內部就是一個天文學博物館
突然想起中三讀化學，對這頭20個元素寒窗苦讀，如今可以見到其「真身」，感觸良多........
大家排住隊，就係等睇呢個望遠鏡，聽聞香港既太空館都有一座?
對我來說，LA的夜景才是重點，我係一個好鍾意睇住夜景，吹住山風的「浪漫人」....嘔 :P
真係一個很完美的結束，因為冇諗過可以去一個地方，連「汁」都撈埋，仲可以睇埋佢既夜景TIM。時間差不多九點了，肚真係好餓好餓，所以要離開了，不過原來我地都算遲走，因為走既時候大部分既車已經駛走，不用十分鐘就已經搵返自己架車，yeah!! 超順利! 拖著相當疲乏的身軀，到Montreal找了間唐人餐廳吃飯，吃的都是香港式小菜，值得一提的是這裡可以揀蒙牛食，蒙牛又真係好食好多.....
我地返到hostel，朋友仲未走得，因為佢幫香港既家人買左一個notebook printer，佢話平過香港成千蚊，咁我要做既野....當然係要運貨返香港啦!! 所以朋友o係我房攪埋d set up，十二點幾先走得，佢聽日仲要返工，真係「鄧」佢辛苦!!!
而我明天要坐返朋友車出去搭巴士，不過要遷就佢返工時間，我應該朝早七點幾就要走，所以要匆匆入睡了!
真係很好的博物館呢！
回覆刪除