韓國之前言

繼上年一口氣去了兩個地方之後，返到香港慢慢搵工，在二月開始返新工之後，已很快安頓下來，不過又唔敢請太長的假，所以一些較近同較細的國家，會是今年的首選。而韓國顯然符合以上的條件。

想去韓國的想法其實一、兩年前已有，只是當時有更多特別的地方想去，而且今次因為有朋友話可以部分時間join埋一齊去，join埋一齊去的好處是可以有機會品嚐更多美食，而食是其中一個很想去韓國的原因，那麼既然難得有人一齊去，韓國的旅程就在半年前仆鎚了。

雖然我今年選了一個難度相對較低，較多香港人去的地方，可是我卻留了和別人不一樣的時間，就是兩個星期，許多人都會問我︰「韓國兩星期? 有咩玩呀?」「韓國點會冇野玩呢? 又多野食，又可以去睇下板門店、古宮、文化野、賞楓......」。的確，如果你的行程只是想shopping，一星期唔駛就可以，但我心目中的韓國卻是多姿多采，有看過我blog的人都知道，我最鍾意一個地方可以有不同類型的景點，正如我頭先數過，韓國的確是很多姿多采。

可是我仍然堅持自由行，係一個人o個隻，事關去年和朋友去旅行，節奏有些趕，今次還是想按自己的精神情況作調節，免得自己辛苦，我14/10出發，獨遊一星期後，23/10會再和朋友暢遊，28/10早機離開。

可能韓國真係太近，同埋係第一次旅行帶埋自己個電話過去，基本上冇好強烈唔捨得香港既感覺，輕鬆上路，不知這兩星期，會有什麼遭遇呢?