David's travelling journal: 南韓(二)︰首爾首部曲

10月15日今早八點多左右起床，屋主已經離家，只剩屋主太太及兒子，他們不久也離家，我驚訝他們對陌生人有如此的信任，夠膽比一個陌生人留在自己家中，但係相信如果佢地做唔到，是不會獲得認可加盟官方家庭接待的一員。起床後，上一陣網，最要緊還是再send email確認明天的板門店之旅，我九時半左右離家，終於看見自己住的地方。

偷影一下客廳，環境相當舒適

我所住的屋苑 - Hillstate

距離地鐵溫水站只有十分鐘步程

首次坐地鐵，還未有T-money，所以先買單程乘車咭，由於售票機有中文，所以不需研究很久就可買到，這一程到明洞的需W1350，自此之後，我再沒有記下我坐地鐵用了多少錢，只是不停增值，搭車唔知價。

不知是否過了繁忙時間，地鐵有中途停了兩次，即是要轉車兩次，加埋搵路、買票、等車、轉車時間，原來由我住的地方到明洞，真的要個半鐘，十一時才到明洞，真的難以置信。

部部機都有中文的，好方便

單程用的地鐵票，需W500可退回之按金

同香港差不多的地鐵車廂，不過座位可以坐到七個人

幾乎每次轉線，都要行一次咁鬼長的通道，有咩辦法唔要跑?

如果o係香港，仲唔比人趕走? 仲要o係地鐵裡面

中午的明洞其實就好似下午的旺角，係一D都唔熱鬧，所以相信遲些會再來行夜街，而家有三件事要做︰換錢、飲雪濃湯同找旅遊中心。

由於習慣，除左返大陸，每一次旅行我都會換定美金去兌換，但在香港換完錢後，才記得其實韓國根本唔需要做呢樣野，直接用港幣去換都OK，不過唔換都換左，決定將錯就錯，搵勻可見的找換店，幾乎都劃一1:1100美金，所以就是旦去左一間小店找換，但最後竟然被我發現有兩處地方匯率更好，一間是樓上舖，一間是在明洞中心區的Woori銀行。Woori銀行1:1102，樓上舖更好，竟然1:1108，感到很不甘，惟有安慰自己，已經比機場好得多了，同埋我冇一次過換晒所有錢，惟有留返部分遲些在這裡換吧!

換完錢之後，肚開始餓了，第一餐打算試食的韓國style就係神仙雪濃湯，人生路不熟，慶幸有人肉路標，穿紅衣的就是首爾出名的觀光大使，問路搵佢地就o岩，原來雪濃湯就在同一條街，唔駛五分鐘就到。

時間仍然尚早，店舖頗細，仍人龍未見，當然就拿拿臨試下雪濃湯，第一件事當然係入鄉隨俗，食下泡菜，而我獨愛白菜，店員見到你添白菜，有時會幫你剪，雪濃湯很快就來了，就咁飲味道會太清淡，所以會加粗鹽，加左果然好飲好多，但韓國人的湯不單用來飲，還會把飯倒進去成為湯飯，我當然會入鄉隨俗，吃吃這個雪濃湯飯，最後成碗食晒，感覺不錯，食完亦唔會覺得口渴，這個我推介。

下午的明洞，好少人

這就是我發現匯率較好的找換店，一出地鐵站6號出口向步行街方向行，行到見到Woori銀行轉左見到Body Shop，側邊個入口上去7樓就見到，不過間大廈都幾舊下，除左7樓的找換店外，我都唔肯定其他樓層有冇舖頭

紅衣的旅遊大使，在日間時間必定乖乖在Woori銀行面前出現，地圖都慳返

原來雪濃湯就在眼前

店舖細細，我未夠12點已經來，幾乎唔駛排隊，但越晏越長龍，還是早到有著數

左邊的茶應該是薏米茶，右邊熱騰騰的牛骨湯，加上白飯是絕配，但緊要的還是加上後面的

粗鹽及胡椒

終於都找到遊客中心

遊客中心內的韓服體驗都是免費的

飯吃完了，第一件事當然是找找orientation，根據地球步方的地圖，我找不到遊客中心的位置，慶幸又有人肉路標，原來遊客中心「搬左」，向地鐵站方向走，ZARA側落去坐電梯5/F就到，上到去其實係問問題為主，因為有幾樣野係我好想知既︰

1. 想知道如何由首爾到臨津閣? 答︰總之同旅遊書講既不同，留待証實

2. 有沒有旅遊pass賣? 答︰沒有，服務員叫我用返T-money，但原來地鐵的售票機係有得賣，點解佢地唔知既?

3. 可否代為book今晚Nanta Show的戲飛? 答︰冇問題，今晚5:00場，到時比錢，請早半個鐘到

4. 有五個「宮」的聯票賣嗎? 答︰沒有，要親自到其中一個「宮」買

就住以上資料，又看了一些單張，整理一下後，決定先到弘大附近的Trick Eye Museum，然後趕回4:30前到明洞看Nanta。

到Trick Eye

Museum的目的純粹for fun，而且星期一有許多博物館都close，但這個例外，而且影下D騎呢相都幾得意，於是就乘地鐵到弘益大學(239)九號出口，按照單張上的地圖，十分鐘之內就到。

去弘大之前要買番個遊客T-money先，裡面有張T-money咭同一堆coupon

終於找到Trick Eye Museum，但原來位處地庫，仲以為係一個大型building

立體茶杯

以下這幾張我比較喜歡

在這裡流連了個半鐘左右，場館比預期中細，得一層樓，好快就行完，細看這些畫其實都唔係咩特別野，抱著看賀歲片的心態來會比較開心。於是大約3:45就離開。

眼看時間越來越接近4:30，心開始急，如仍然將在香港坐地鐵放在韓國是錯的，所以時常跑樓梯，跑到一身大汗，才僅僅在4:30前到達明洞的Nanta劇院，仲趕得切比錢買飛。

Nanta是一個韓國很出名的show，這是其中一個想到韓國的原因，上年到過拉斯維加斯，看過blue man show，發覺這類show的結構都是類似，一定會有笑位，一定會請觀眾上台，一定會有和台下觀眾的互動環節，一定會有強勁的音樂效果，雖然如此，但內涵主題卻是不同，雖覺熟口熟面但不覺生厭，而Nanta主要是玩食物，用碗碗碟碟來做敲擊樂，又滲入一些韓國的傳統元素，整體感覺熱熱鬧鬧，氣氛開心，不過我覺得唔駛買咁貴既票，其實坐後D一樣睇得清楚，只係唔會咁易被人捉出來玩。

90分鐘的show好快就完成，不過因為太趕，睇完開始覺得好鬼眼訓，夜晚究竟去邊好呢? 本來想吃部隊鍋，但人生路不熟，企圖有明洞找找有沒有痴住部隊鍋相片的餐廳，結果是找不到，仲以為部隊鍋好common，周街都係，點知食炸糊，然後就在旅遊書上看到一頁，介紹南大門市場有雞肉鮮濃湯、牛尾湯等，看來很美味，於是就決定到南大門一趟。

事前沒有搜集太多購物資料，到步後才發覺南大門賣的都是以人蔘、紫菜等的店舖，而我亦被要求要買些蔘茸的物品，所以可以先望望做做資料搜集，但這裡沒有我想買的農協蔘液，一買就要一大盒，於是沒有考慮，況且我相信釜山會找到我需要的東西，而且會更平，求其行一陣市場後搵食，感覺好似好荒蕪，好多食檔都收工，而肚子亦非常餓，眼睛已被另一種食物吸引視線，阿珠媽把這種東西不斷切片，讓我想起香港的燒味，怎能不令人垂涎? 這是什麼? 咪就係豬腳!

由於實在太精彩，明知一碟豬腳好大碟，我都冒眛地求其行入一間度坐低，阿珠媽話最少2人份量，我覺得只要佢肯serve就問題啦!

食完超飽，我自問已很努力，這餐超貴，價值W25000，一晚好喇，之後唔可以再咁放肆，食完野之後，舖頭越收越多，今天才旅程第二天，根本不會買手信，也就離開，要知道從這裡回家，要成粒鐘，十時半左右回到家中，路上更撞見宿主夫婦，他們帶著小孩和其他家長開party，典型中產生活! 好了，早點休息，明天要9:30到達樂天酒店集合。

這些燒海鮮實在令人垂涎，但還是眼看口勿動