10月25日今天大家各自食早餐，大約9:30，一起坐地鐵往南怡島。
這個地方雖然想來，但是我一個人是不打算來的，好彩今次有人陪。我就在新設洞等她們，誰知今次輪到佢地遲到，事關佢地要搬竇，但她們的新地方極度難搵，於是就耽誤了時間，真慘；不過我唔急，唔緊要。
聽聞以前去南怡島要左轉右轉，不過而家韓國地鐵合併，所以我們只需要到回基站(119)轉春川線，就可以直到加平，好似好簡單咁，但係由回基到加平搭左十幾個站，全程個半鐘先到。這程車發現韓國人都好有強國人味道，首先一堆阿珠媽一見車門開，便向座位瘋湧而至，總之不爭個你死我活誓不休，我們這些年青人當然唔敢同人爭，結果不一會便有兩名坐下的阿珠媽嗌交，情況似是一班阿珠媽想幫人霸位，但另一個阿珠媽硬要坐下，於是兩邊人便嘈起上來，原來韓國電影看到的都沒有誇張………不過我都明白，因為一企便是成粒鐘，但係好奇怪臨到加平站時，人多o個邊既阿珠媽，無端端好熱情咁同我朋友講一大輪韓文，後來仲叫佢坐，然後又惹起另外o個個阿珠媽的怒火，我估計我們成為了兩方互鬥的「棋子」，好彩在這時候就到站，真係奇怪，成班阿珠媽加埋一千歲都呢緊，都仲咁唔化? 真係八十歲唔死都有新聞!
到了加平站，決定用一般人的方法前往，就係坐的士，記住個magical words就得(Namisom)，車程唔駛十分鐘，我們決定食完飯先正式出發。由於這裡就近春川，所以自然就好多sell春川辣炒雞的舖頭，我們選了一間最上的，因為好似得呢間櫈坐的位，老骨頭唔可以坐咁多地下，二話不說就點了個炒辣雞食，雖然叫做「辣」，我們仍然嘗試了解有冇「唔辣」的雞，店員竟然話「not spicy」。開餐了，果然真係唔辣，大家都覺得好好食，醬汁相當入味，大快朵頤，但不禁反問，咁我食緊既係咪真正既「春川炒辣雞」呢?
暫時沒時間深究了，吃罷時間已到12:00，便買票入場了! 實在有太多團入場，就算預早來都係水洩不通，但好彩排隊都唔算耐。不消五分鐘便登陸南怡島，可能人真的太多了，好熱鬧，似來了一個公園。我們打算漫無目的地行一圈，不過要知道行一圈都起碼成粒鐘，可能今日還未很冷，楓葉還是有限度地開放，反而很多銀杏，黃葉就有好多，持續失望中……所以內藏山會是我終極的盼望。
到了加平站，決定用一般人的方法前往，就係坐的士，記住個magical words就得(Namisom)，車程唔駛十分鐘，我們決定食完飯先正式出發。由於這裡就近春川，所以自然就好多sell春川辣炒雞的舖頭，我們選了一間最上的，因為好似得呢間櫈坐的位，老骨頭唔可以坐咁多地下，二話不說就點了個炒辣雞食，雖然叫做「辣」，我們仍然嘗試了解有冇「唔辣」的雞，店員竟然話「not spicy」。開餐了，果然真係唔辣，大家都覺得好好食，醬汁相當入味，大快朵頤，但不禁反問，咁我食緊既係咪真正既「春川炒辣雞」呢?
暫時沒時間深究了，吃罷時間已到12:00，便買票入場了! 實在有太多團入場，就算預早來都係水洩不通，但好彩排隊都唔算耐。不消五分鐘便登陸南怡島，可能人真的太多了，好熱鬧，似來了一個公園。我們打算漫無目的地行一圈，不過要知道行一圈都起碼成粒鐘，可能今日還未很冷，楓葉還是有限度地開放，反而很多銀杏，黃葉就有好多，持續失望中……所以內藏山會是我終極的盼望。
 |
| 到達加平站 |
 |
| 到了加平，隨意就找了這間烤雞店吃飯了，這間店應該是位於最高的那間 |
 |
| 雖然唔知係咪正宗，但雞肉好嫩滑，夠味而且唔辣 |
 |
| 早在餐廳，已經看見這條吊索，影下相OK，玩就咪攪 |
 |
| 南怡島正門 |
 |
| 水洩不通 |
 |
 |
| 初秋景緻 |
 |
| 雄偉的水杉道-南怡島地標 |
 |
| 似一幅圖畫 |
 |
| 無論是出是入，橫水渡總是擠滿遊客 懷著期望不大的心情，水杉道反而更驚喜，雕像也不錯，而我要預備內藏山之行，需要買一個環保袋代替大背囊和我上路，在南怡島的紀念品店是我的目標，因為通常到夜晚已經冇精力買了。可惜這個環保袋真係貴，成W14000一個，而且個袋既布味好大，質素一般，雖然知道被「坤」，不過都無法。最後我們行到2:30便回程了。回程時有個小插曲，就係坐的士回KTX時，突然有路人衝出馬路，好彩車程唔快，唔係一定會撞親人，我仲要坐o係前座，真係唔該唔好累街坊。 又是一個比預期早的時間離開，咁就好喇，因為可以做些私人野，例如買KTX票，同埋睇下有冇合適的手信買返香港，朋友則再次利用時間大購物，所以到達首爾，我們再次分道揚鑣，晚上到明洞再meet然後join埋食晚飯。
又是喪遊地鐵河的時候，先到KTX站買明天去井邑的車票；呢樣好快就攪掂，之後就坐到乙支路入口，再到之前板門店團之集合點 – 樂天酒店，因為免稅店就在那裡的九至十一樓，今日終於可以慢慢睇，不過旅遊書介紹樂天的food
court都有好多野睇，所以我就行下先，嘩! 原來都幾精彩，真係唔買都值得睇下，因為色彩豐富，令人食指大動，而我亦看中了一些精美糕點，可以買返香港做手信；跟住上九至十一樓，其實主要睇蔘片，我亦都懶得格價，我相信免稅店點都會平少少卦，我找到那裡有間「正官庄」，咁即係唔駛擔心啦；我想我未到最後一日，都唔會有購物mood，所以確定在這裡找到想要的東西，便放心離開。其實時間尚早，又約左朋友八點在明洞，去邊度打發時間好呢? 時間先至到六點幾……
本來真係冇idea，豈料返明洞途中，要經過市廳轉車，在轉車期間，看到清溪川的指示牌，靈機一觸，知道可以利用少少的時間，去清溪川行下，於是立是決定在市廳站出，再行落去清溪川，不過真係唔記得咩出口，因為地鐵有標示，那就懶得記第幾個出口了。
|
 |
| 韓國的基督教氣氛好勁，周圍都見到有人唱詩歌 |
 |
| 樂天超市吸引的貨品 |
 |
| 齋睇已是賞心樂事 |
 | ||
好想買呢個做手信，但係最後趕唔切而作罷
|
 |
| 個人相當欣賞清溪川的設計，又能環保，又能美化環境 |
 |
| 是否預備作十一月燈光節的模型? |
行左一個鐘，剛剛好，該回程了，和朋友約了在明洞站8號出口匯合，本以為一切順利，但係到步才發現8號出口已封，已不存在，由於想慳錢，冇用電話溝通，於是嘗試找八號出口的大約位置頂當，可惜一開始已行錯路，今次又輪到我遲到，搵左十五分鐘大家先見到面，下次早知道約返6號明洞街出口好過。於是我被罰拎野，朋友買的東西有我個大背囊咁重，crazy!! 所以決定在吃飯之前，幫佢放低重擔在她們的hostel先出去食野，我們在東大門歷史公園落車，見証一下到底佢地既hostel有幾難搵；真係大開眼界，原來佢地既hostel在一處隱蔽的商住大廈上，招牌一點也不明顯，睇少眼都搵唔到! 這個hostel完全唔係我一向所認識hostel的模樣，首先個reception在二樓，有好多個門口，reception是其中一間室，取了鎖匙後，再上十五樓某室，那裡全是冷冰冰白色的走廊、白色的牆，只可以記實個門牌號碼，因為隨時其他號碼的「室」可能唔係用來做hostel，呢種hostel真係第一次見，anyway，房間既size都可以既；我們放低沈甸甸的手信後，便啟程食晚飯了。
今晚我們再吃一餐正宗的韓國燒烤，全程由朋友帶路，因為我都唔知邊度有，左穿右插都搵唔到，本想放棄之際，卻發現「柳暗花明又一村」，要找的就在附近，根本就兜錯路，呢期成日都有咁既情形。赫然發現這裡門口有中文menu，知道沒有找錯。
在韓國食燒烤真係唔係太飽，始終被香港的「任食」寵壞，不過要自制，雖然係咁，但食到香港食唔到既肉類，例如五花腩，都係一件好難得既事。食飽飽後，我和朋友就在路口分別，明天上午會繼續遊首爾，而我下午就會離開首爾一晚往井邑，方便於星期六早上去內藏山。我飲完杯可樂，再行一陣，就返去劏房休息了。
 |
| 晚上搵食，呢間就係夜晚幫襯的燒烤店 |
 |
| 有中文menu |
 |
| 豬扒、牛扒梗會叫架喇，不過左上角的五花腩真係好正，不過還是少吃多滋味 |
明天
– 惠化壁畫村再會!
旅遊心得︰
1. 南怡島原來長年都咁多人，所以其實單身人士去唔會覺得好怪。
2. 清溪川好長，原來就近市廳站(132)那邊的才是源頭，亦似乎是最美麗的部分。
是日重要消費︰
的士往南怡島碼頭(雙程)
|
W2700 + W2400
|
午餐(炒雞排)(三人份)
|
W33000
|
南怡島入場費
|
W8000
|
晚餐(燒烤) (三人份)
|
W45000
|
井邑KTX
|
W34500
|
沒有留言:
張貼留言