David's travelling journal: 南韓(十)︰牛排與巨蟹

唔係訓得幾好，因為張床細到…一路訓，一路驚碌落床，呢幾晚都唔知點過，不過算啦，旅程都過了大半，今天開始join香港來的朋友一齊玩，她們住在東大門歷史文化公園附近的一間酒店(唔記得邊間)，今日天氣寒了一點，不過冇昨晚咁犀利，始終難預時間，都係遲左十分鐘到，朋友告訴我看到首爾昨晚的氣溫得7度，我都覺得好驚訝，唔怪得咁鬼凍啦! 估唔到天氣變得咁厲害，言歸正傳，今日行程最主要係去水原華城，晚上到鷺梁津食海鮮，再遊船河。

Hostel Korea的外貌

東大門其中一個地標 - 斗山塔商場，不過今次行程冇計劃會行

原來清溪川就係咁架喇??

去水原華城之前，我們吃了飯團早餐，並且在東大門那邊的清溪川行了一會，但係完全冇特別，唔知行到幾時，見到有得返上地鐵站的標誌，就上返鍾路五街，再到首爾站轉無窮花號火車到水原，我們是即時買票的，相當方便，而用這個方法亦較快，因為由首爾站到水原站只需20分鐘左右，到達水原站才是10:20。

到達水原站

價廉的無窮花號，其實係路線唔同，車廂坐得幾舒服，唔會因為平要質素低左

出站後行了不久，就找到水原的遊客中心，職員熟練地寫下可到華城的四條巴士路線號碼及相關韓文，等了不久就坐了11號，其他我記得好似有9號，另外兩條線就忘記了，車程大約15分鐘，到達八達門，可惜八達門正在維修，不熟路的我們還以為整個水原華城也沒了，原來要到華城要再走入一點。

水原遊客中心

去華城的巴士站好容易搵

走上酷似萬里長城的城牆，今天天氣不錯，不算太熱，那種新舊交錯的景色，亦令人驚嘆，難怪這裡又被封為UNSECO遺產，不過一直行，景色都冇咩變化，思想亦開始專注在自己的肚皮上，來到水原，當然要試試這裡的牛肋排，照去慣大陸的經驗，應該好容易就會搵到，因為會一街都係，但係似乎從城牆行過去市區，又唔會想像中咁容易，我們十二點多到達北門射箭場附近，那裡有遊客中心，本想入內查詢一下有得食牛肋排餐廳的位置，點知又係準時食lunch，無人辦公，惟有靠自己。

維修中的八達門

走上城牆

從城牆外宏偉的建築 - 水原大教堂

烽火台，燃燒的烽火台數量顯示不同的和平狀態，如果全部都燃亮，就即係敵人「打到呢」喇

東南角樓

終於來到射箭場

繼續行，我們決定行到華虹門就停

華城唯一有水出的「華虹門」

根據旅遊書，嘗試找一間最近華城的牛肋排餐廳，好彩朋友比我有方向感，如果唔係越走越遠，好似都係搵左15-20分鐘，就找到這間原來係叫做「淵瀑牛排」的餐廳，門口泊了不少名車，看來很多人都是慕名而來，可能係平日關係，一入去就有位，侍應的態度令我更覺得這是一間好出名(唔憂做)的餐廳，因為好肚餓，已經唔理得咁多野，最緊要D野好食就得，我們三個人叫了兩份牛肋骨，侍應姐姐就表現得好驚訝兼帶點不滿，我地冇理到佢，因為一份都唔平。

到達淵瀑牛排

一檯都係

服務員飛快的速度剪肉

雖然好似好多野食，不過冇全飽的感覺，始終我係一個對肉類需求好大既人，再加上肉質嫩口，真係唔捨得停；食完之後，時間尚早，大約兩點左右，我們決定慢慢行，從華城行返去水原站，而中途到華城行宮稍作逗留參觀，不過唔知係咪食得太飽，行去行宮途中，無啦啦踢到路中石柱，真係不幸，昨天PK完今日又踢損，到底我發生咩事?? 結果被朋友恥笑，悲……

看了太多「宮」了，這個華城行宮不算太特別，不過裡面有個高少少的涼亭可以俯瞰水原同行宮的景色，同埋這裡也是「大長今」的其中一個拍攝地，所以仲存留長今同閔大人的紙板，而這裡也是另一個UNSECO的遺產，個人認為如果時間唔夠，這裡可以skip。而我們大約於2:45離開。

然後，我們就進行艱辛的任務，就是決定不坐巴士，用兩條腿從華城走路回KTX，因為沒有走完華城的全部地方，所以時間太多，我們雖然有地圖，但顯示不了從華城回水原站的街道如何，於是靠看大路上給司機用的路牌推斷，過程中我們應該沒走錯方向，而總共用了50分鐘行返去，估唔到原來距離咁遠。

華城行宮正門

同其他宮都好似樣；根據網上資料，原來這是正祖大王李蒜拜祭父親時留宿的地方

又有得玩射箭

這裡也是大長今的拍攝地

個門都真係幾得閑wor

從宮中行上小丘的涼亭回望行宮

看到華城另一邊的終點，呢邊好似較為陡斜

3:45我們便開始坐地鐵回鷺梁津食下一餐，諗住慢慢坐地鐵，不過都唔駛一個鐘就到，到達鷺梁津時時間大約是4:20，於是我地慢慢行，到達市場時又慢慢揀，不過由於太多舖頭，其實間間都差唔多，我們隨意揀了一些像樣的海鮮，阿珠媽便帶我們上樓上的店舖，準備加工兼開餐。我們三人，顯然上一餐都唔係食得咁飽，所以點了不少東西︰八爪魚鬚刺身、鮑魚、扇貝，當然最興奮的是清蒸皇帝蟹。

食到尾聲，我們發覺皇帝蟹平得有些離譜，一隻才一百廿多元港幣，而其中一個朋友身體似乎有些作病，於是決定臨時取消遊漢江船河的活動，因為天氣都會頗凍，而改為把去漢江用的船費食多一隻蟹來代替，這個定案大家都讚好，於是我們三人就食左兩隻又平又正的皇帝蟹了!! 大快朵頤…

晚上的活動，便變為提早shopping，我們到了樂天超市參觀，至於掃貨，我看今晚不會買太多了，只睇中柚子茶，而她們的目的則是買零食，所以目標為本，買完就走，大家各自歸家，明天再會，目的地是再次遊宮。

鷺梁津魚市場